Nongpoh, Naiwieng 03 : Arngut ki samla kiba suba dei shi samla ba na Assam, kila iap hashen ha ka jingshah iuh ha ka trok hynne ka step sngi U Blei ha surok National Highway-06 ha Ri-Bhoi.
Kane ka jingjia kala jia ha ka surok Shillong-Guwahati ha ka thain Shangbangla, Ri-Bhoi District.
Kat kum ka khubor Pulit, kine ki samla ki dei u Nilutpal Dowari ba 23 snem ba na Sarupather, Dibrugarh bad ka Gargee Chutia ba 21 snem ban a Gadadha Singha Path Joytipur.
Ki Pulit ki iathuh ba kine ki arngut kila wan da kawei ka Royal Enfield Himalaya Bike AS01-FF-3367 na Guwahati ban kiew sha Shillong hynrei haba ba poi ha kawei ka surok khongdong ka Shangbangla, une u samla na Assam, ula pyrshang ban knieh tam shakhmat ia ka trok ha ryngkat ka jingpynher bha ia ka thuk thuk bad ula poi tynrah pynban ia ka taiar dien jong ka trok, kaba la bret ia baroh arngut shakhrum jong ka taiar trok.
Ki ong ba kane ka trok kala ioh ban iuh ia baroh arngut, kaba lam sha ka jingiap hashen. Ia kane ka trok kaba don u nombor AS01-RC-0413 la niah da u Helmi Suting ba na West Jaintia Hills District.
Ia ka met jong kine ki arngut la pynkit noh sha ka jaka buh metiap ha Civil Hospital, Nongpoh ban pyndep ia ka post mortem.
Ki Pulit kila pyntip ia kane ka jingjia sha ki bahaiing jong kine ki arngut ki samla bad bthah ia ki ba kin wan mih sha thanad ban pyndep ia ki kam kiba donkam.
