Shillong, Naitung 10: Lada phi kwah ban wan kynshew kam ha Meghalaya, kaba biang tam kadei ban leh ha ki District kiba dang sahdien ha ka jingdon ki karkhana naba phin ioh shibun ki jingmyntoi.
Hapoh ka Uttar Poorva Transformative Industrialization Scheme (UNNATI), 2024 ka Industrial Policy na ka bynta ka thain̈ shatei lam mihngi, la phiah ha ki arbynta kata ha ka ‘Zone A bad Zone B Districts’ kaba mut ka Zone A (Ki District bala kiew ha ka jingdon ki karkhana) bad Zone B (ki District ba dang sahdien ha ka jingdon ki karkhana) kat kum ka jingpynshong jongka NER Districts SDG Index kaba la pynkhreh da ka NITI Aayog, UNDP bad ka Ministry of Development of North Eastern Region.
Nalor kane, la ai ruh ia ki lad jingiarap na ka bynta ki Unit kiba sengkam hapoh ka Zone B District ban kyntiew ia ka roi ka par ha kitei ki thain̈.
Ha Meghalaya na ki 12 tylli ki District, ki don 9 tylli ki district kiba don ha ka kyrdan Zone B. Kine ki 9 tylli ki Districts ki kynthup ia ka West Khasi Hills, South West Garo Hills, East Jaintia Hills, East Garo Hills, Ri Bhoi, South West Khasi Hills, South Garo Hills, North Garo Hills bad ka Eastern West Khasi Hills.
Ki District kiba don ha ka Zone A ki kynthup ia ka East Khasi Hills, West Jaintia Hills bad West Garo Hills.
Ka sorkar pdeng kala ong ba ka UNNATI ka long palat ban ia ka skhim, namar ka long kum ka lad ban kyntiew ia ka thain̈ bad ia ka ioh ka kot.
Ka scheme kala treikam naduh ka 9 tarik u Lber 2024 bad kan treikam haduh ka 8 tarik u Lber 2034. Ka Registration kan bteng haduh ka 31 tarik u Lber 2026 ka ban long pat katkum ki kyndon jingbthah. Ka DPIIT, Ministry of Commerce & Industries ka dei kaba don ia ka jingkitkhlieh ban khmih bniah bad ban pyniaid iaka UNNATI scheme. Ki lad jingiarap kiba lah ban ioh ki Unit kiba thymmai bad ki Unit kiba la don lypa, ki dei kiba iaid ban pyniar ia ka kam jongki.
Baroh ki Unit kiba lah ban ioh jingiarap kiba don ha ka Zone A District ha ki jylla jongka thain̈ shatei lammihngi kin ioh ia ka jingbhah tyngka kaba kot @30% ha ka jingseng ia ka karkhana bad jingthied ia ki kor ki bor ne na ka bynta ban tei ia kino kino ki jongtei ne ban pyndonkam ia kino kino ki jingdonkam kiba kongsan ha kaba la buh ba ki lah ban ioh haduh T.5 Klur. Na ka bynta kito kiba ka GST kan ym treikam, ka jingai jingiarap kan long haduh T. 10 klur.
Baroh ki Unit kiba don ha ka Zone B ha ki jylla ka thain shatei lam mihngi kin ioh iaka Capital Investment Incentive @50% na ka jingbei tyngka ka jongki ha ka karkhana bad ki kor ki bor ban sain̈ ia ki mar ne ban tei ia ki jingtei ne ban buh ia kino kino ki jingdonkam kiba kongsan kaban long jongka T.7.50 klur. Na ka bynta kito kiba ka GST kan ym treikam, ka jingbei tyngka lyngba ka jingai jingiarap kan long haduh T. 10.00 klur.
Baroh ki Unit kiba hap ha ka Zone A ha ki jylla ka thain̈ shatei lam mihngi ki lah ban ioh iaka Capital Interest Subvention ba kot 3% na ka bynta 7 snem lynter na kano kano ka tarik hadien jongka tarik hadien jongka jingaplai iaka registration hapoh jong katei ka scheme. Hynrei ka jingpyllait ia ka pisa lyngba ka jingai jingiarap kan sdang tang ynda la sdang ka jingtreikam ha kaban pynmih ia ki mar.
Baroh ki Unit kiba don ha ka Zone B jong ki jylla ka thain shatei lam mihngi ki lah ban ioh ia ka Capital Interest Subvention ba kot 5% na ka bynta 7 snem lynter hadien ka jingphah iaka aplikeshon ban rejistar hapoh katei ka scheme. Hynrei ka jingpyllait ia ka pisa kaba la bhah na katei ka jingai jingiarap kan long tang hadien ba la sdang ka jingpynmih nyngkong ia kino kino ki mar.
, 2024 ka Industrial Policy na ka bynta ka thain̈ shatei lam mihngi, la phiah ha ki arbynta kata ha ka ‘Zone A bad Zone B Districts’ kaba mut ka Zone A (Ki District bala kiew ha ka jingdon ki karkhana) bad Zone B (ki District ba dang sahdien ha ka jingdon ki karkhana) kat kum ka jingpynshong jongka NER Districts SDG Index kaba la pynkhreh da ka NITI Aayog, UNDP bad ka Ministry of Development of North Eastern Region.){kind=link}