Shillong, Lber 11: U Chief Executive Member (CEM) ka Khasi Hills Autonomous District Council (KHADC) u bah Pyniaid Sing Syiem hynne ka sngi ula pyntip hapoh ïing dorbar u la pyntip ba ka Council kala ioh lum palat T.73 klur tam ka khajna naduh ka 1 tarik Iaiong 2023 haduh 1 tarik Kyllalyngkot 2024.
Haba jubab iaka jingkylli bala wanrah da u nongialam Liang Pyrshah u Bah Titosstarwell Chyne, u Bah Pyniaid ula iathuh ba ka Council kala ioh lum T.39.93 klur ka khajna n aka bhah marpoh khyndew (Royalty Share) naduh u Iaiong 2023 haduh Lber 2024.
U Bah Pyniaid ula pyntip ba ka Council kala ioh lum T.14.38 klur naka khajna naki kali (Motor Vehicle Taxes), T.11.08 klur naka Professional Tax, T.3.53 klur naka jingpynthymmai bad ki Application thymmai jong ki Trading Licenses, T.1.88 naka tnat Forest.
Ula pyntip ba T.16.23 lak la ioh lum naka Security Deposit jong ka tnat Civil Work department, T.33.42 lak lyngba ki Court Fees bad ka jingdie iaki Forms lyngba ka tnat Administration of Justice Department, T.25.81 lak ka khajna naki khyrdop ba aiwai sha ki riewshimet ne kynhun, T.88.60 lak la ioh lum naka Building Permission bad T.16.05 lak naki Iew jong ka Council bad ki iew jong ki Hima.
