Shillong, Risaw 24: U chief executive member (CEM) ka KHADC u Bah Pyniaid Sing Syiem hynne ka sngi u la ong ba ka KHAD (Trading by Non-Tribal) (Amendment) Rules, 2023, kaba la ai jingmynjur da u Lat, ka ai bor ban pynkiew ia ka bai Trading License ki bar Jylla da ka jingthmu ban pynkhlain ia ka Enforcement ka tnad Trade jong ka District Council.
Haba kren sha ki lad pathai khubor, u Bah Pyniaid u la ong, “Ha ka ain Trading by Non-Tribal Regulation, 1994, ka bai aplai License thymmai ne pynthymmai ia ka laisen khaii ka dang long kumjuh. Ngi sngew ba khnang ban pynkhlain ia ka Enforce jong ka Council ha kaba iadei bad ka jingkhaii da ki bar Jylla, ngi sngew ba ngi dei ban pynkiew ia ka bai trading license ne bai labour license khnang ba ngin lah ban pynkhlain ia ka Enforcement jong ngi na ka bynta ban pyntyllun iaki kam ba man ka sngi”.
U Bah Pyniaid u la ong ba yn pynkiew ia ka bai Liceny katkum ka jingioh kamai jong ka kam ne ka khaii pateng.
Haba kylli, u CEM u la ong ba ka tnad Trade kam dei ka tnad kaba pynmih khajna.
“Ka long khamtam na ka bynta ban pynbeit bad ban pyntreikam iaka Enforcement jong ka Council ban peit ia ka jingseng ia ki kam khaii thymmai kiba khlem da ioh jingmynjur ne jingbit shwa na ka Council. Ha ka jingshisha, ki bai License kadei dei tang na ka bynta ban pynkhlain ia ka tnat pyntreikam ym na ka bynta ban ioh khajna” u la ong.
 ka KHADC u Bah Pyniaid Sing Syiem hynne ka sngi u la ong ba ka KHAD (Trading by Non-Tribal) (Amendment) Rules, 2023, kaba la ai jingmynjur da u Lat, ka ai bor ban pynkiew ia ka bai Trading License ki bar Jylla da ka jingthmu ban pynkhlain ia ka Enforcement ka tnad Trade jong ka District Council.){kind=link}