Itanagar, Nailur 26 : Lai ngut ki nongialehkai Wushu kiba dei na Arunachal Pradesh, kila ioh ban wan phai shala iing ha ka sngi Ba-ar hadien ka jingkyntait ai Visa ki bor khmih ka Ri China.
Ia kine ki nongialehkai ba dang khynnah ka Arunachal la pdiang sngewbha ha Naharlagun Railway Station ha ka sngi Ba-ar ha ka jingwan phai jong ki shala iing.
Kine ki nongialam ba shah kyntait Visa ki dei u Nyeman Wangsu, Onilu Tega, bad Mepung Lamgu.
Kine ki laingut ki nongialehkai ka India kila shah kyntait ban ioh rung sha China ba kin iashimbynta ha ka Hangzho Asian Games kaba long myn shem taiew.
Hadien ba wan phai iing, u Mepung Lamgu ula ong “Ngin lah leh aiu ma ngi?…wat u Myntri ka Sorkar Pdeng Anurag Thakur, ula pynsangeh noh ia ka jingleit sha ka Asian Games… ngin sa ialehbha ha ka lympung ban sa wan”.
#WATCH | Naharlagun, Arunachal Pradesh: On not getting visa for the Asian Games, Wushu player Mepung Lamgu says, "What can we do about it?…even Union Minister(Anurag Thakur) boycotted his trip (to Asian Games) this is a big thing. We will do our best next time…" pic.twitter.com/VyXTJ8xVDO
— ANI (@ANI) September 26, 2023
U Nyeman Wangsu ula ong “Ka jingialehkai jong ngi kala sdang hangtei (China), ngi sngew mong haba iohi ia kane….ngim shym la ioh ialehkai hangtei…hynrei ngim ym kynran dien noh, ngin nang jam shakhmat bad pyrshang ban leh bha noh ha ki snem ban wan”.
Ka Onilu Tega kala ong “Ngi sngewsih jur bha, u coach jong ngi lei khamtam namar ka dei ka jingangnud jong u ban iohi ia ngin iashimbynta ha ka Asian Games. Ngin nang trei shitom mynta bad ngin sa iashimbynta ha ka lympung ban wan”.
Ha kajuh ka por, u Myntri kam ialehkai ka Ri Anurag Thakur haba kren halor kane ka jingjia ula ong “Kat kum ki kyndon Olympics, ki nongialehkai ki dei ban ioh ia ka visa. Ka China kala dei ban ai Visa. Ka Arunachal Pradesh ka long bad iai long shibynta jong ka Ri India. Ka India kan ym pyndem tdong”.
