spot_img

Ioh rah ka Manasha Devi Sapam ia ka nam thei bhabriew ka Manipur

Date:

Share post:

Imphal, Nailur 13: Ka Manasha Devi Sapam na ka sorbah Imphal kala ioh rah ia ka nam ‘Miss Manipur 2022’ ha ka jingiakop ba la pynlong ha ka sngi U Blei ba la lah, kata ha ka prokram kaba iphuh iphieng jong ka Manipur Trade and Expo Centre ha Imphal.

Ka Kongsangthei P Hurray na ka shnong Kachai hapoh Ukhrul bad ka Philayung Jajo na ka shnong Apong kaba hapoh Kamjong district kila wan ha ka kyrdan kaba ar bad kaba lai.

Da kane ka jingjop, ka Manasha mynta kala lah ban mihkhmat ia ka jylla Manipur ha ka jingiakop ‘Miss North East 2022’ ka ban sa long ha Nagaland ia kaba yn pynlong da ka Northeast Beauty Pageant Organisation (NEBPO).

Katei ka lahduh ha katei ka jingiakop ‘Miss Manipur 2022’ ba la pynlong ha ka sien kaba san kala ioh pdiang ruh ia ka khusnam kaba da ka song pisa kaba 1 lak tyngka. Katba ki arngut kiba bud kila ioh ia ka song pisa kaba T.80,000 bad T.60,000 hajar.

Ia kane ka jingiakop ‘Miss Manipur 2022’ ha ka sien kaba san la pynlong halor ka mat ‘Where Extraordinary is Created’.

Share post:

spot_img
spot_img

Popular

More like this
Related

Pyrshah ka MGSPHSVA ban pynkynriah jubor iaki nongshong dukan madan na Khyndailad

Shillong Jylliew 29: Ka Meghalaya and Greater Shillong Progressive...

Hiar ka SIT sha Madhya Pradesh | Kurup ia ki jingdeng ksiar bad laptop ka Sonam

Shillong Jylliew 29: Ka Special Investigation Team (SIT) kala...

Assam | Shen yn lah hiar ki liengsuin iapom ha National Highway ha Dibrugarh

Dibrugarh, Jylliew 29: U Myntri Rangbah ka jylla Assam...

Ai jingiaroh u PM Modi ia ka jain ryndia ka Meghalaya ha ka episode 123 ka Mann Ki Baat

Shillong, Jylliew 29 : U Myntri Rangbahduh ka ri...