Shillong, Risaw 13: U Myntri ka tnat Sports and Youth Affairs Bah Wailadmiki Shylla ha ka sngi Nyngkong, ula pynbna ba ka nongbah Shillong kan sa pynlong ia ka Tri-Nation Women’s Football Tournament hapdeng ka India, Iran bad Nepal.
Kane ka lympung ialehkai Footbal ki kynthei lane ka Tri-Nation Women’s Football Tournament kan long ha Jawaharlal Nehru Stadium Shillong naduh ka 21 haduh ka 27 tarik Risaw.
Ha kane ka lympung, ka India kan iakhun pyrshah ïa ka Iran ha ka 21 tarik Risaw, ka Iran pyrshah ïa ka Nepal ha ka 24 tarik Risaw bad ka India pyrshah ïa ka Nepal ha ka 27 tarik Risaw.
Ka kynhun India kan poi ha Shillong haka 17 tarik u Lber, ka Iran ha ka 19 tarik bad ka Nepal ha ka 22 tarik Risaw.
Haba pynpaw ïa ka jingshaniah skhem baka Jylla kan pynlong iaka Tri-Nation Women’s Football Tournament daka jingjop u Bah Wailad ula ong, “Dang shen ngi la pynlong ïa ki katto katne ki lympung jingïalehkai kiba pawnam, kynthup ïa ka 134th Durand Cup, AFC Qualifiers bad International Friendly. Ngi kotbor bad ngi long kiba la pynkhreh ban pynlong iaka Tri-Nation Women’s Football Tournament bad ka tnat Sports bad ka MFA kila ïa shong bun sien ki jingïalang ban ban pynthikna ba kane ka lympung kan long kaba jop”.
“Nga ngeit khem bha ba kane kan long kaba jop” u la bynrap.
Ia ka Tri-Nation Women’s Football Tournament la pynlong da ka All India Football Federation (AIFF) bad ka Sorkar Jylla ka la ioh ia ka jingpynthikna na ka AIFF.
