Agartala, Naitung 28: Hadien san bnai ba sangeh ka jingiakren jong ka ‘Greater Tipraland’, ka jingialang ba-ar kala urlong hadpeng ka Ministry of Home Affairs (MHA) bad ki TIPRA Motha kaba ialam da u Pradyot Kishore Debbarma ban iakren ia kane ka jingdawa ‘Greaer Tipraland’-ka jylla la ka jong na ka bynta ki Tiprasa, ha New Delhi ha ka sngi Palei.
Kane ka jingiakren kala long kum ka jingioh pynhiar mynsiem ia u Pradyot Kishore, uba la shah kynthoh jur ha ki kynhun bapher bapher bad nala ki jong ki Nongialam bad
Nongkyrshan namar ka jingpynslem jong ka MHA ban pynbna ia ka kyrteng jong u Ksiang.
Ka jingpynbna kala dei ban jia naduh san bnai mynshuwa hynrei ka dang iai sahteng haduh mynta mynne.
5 Months of trolling, abuse, insults end today as we “officially ” meet the HM officials along with other organisations today . I pray that the almighty give some enlightenment to those who made fun of me in the last few months . Those who called me a liar stand exposed and my…
— Pradyot_Tripura (@PradyotManikya) JulyG 27, 2023
Ha kane ka jingialang, ka kynhun naka TIPRA Motha bala ialm da u Pradyot ha ka jingiadonlang u Nongialam ka Liang Pyrshah Animesh Debbarma, CEM ka TTAADC Purna Chandra Jamatia, President ka Party BK Hrangkhawl, Jagadish Debbarma lem bad kiwei ki MLA bad ki Nongialam Shnong, kila iakynduh ia arngut ki Heh Ophisar ha MHA.
Uwei na ki heh ka MHA, AK Mishra, u dei uba la paw kyrteng bha ha ki lad pathai khubor kum u briew ba hakhmat eh ban long u ksiang hynrei ka MHA kan dang buhteng shuwa ban pynbna kumba ka paw na ka jingialang bad ka kynhun ka TIPRA Motha.
Hadien ka jingialang, u Pradyot ula thoh ha social media “Ia ka jingialang la pynlong ha ka rukom kaba sngewtynnad bha bad ki Heh ka MHA kila sngap bha ia ki jingdawa jong ngi.
Ngi la kren shai ba ka jingdawa jong ngi ka long hapoh ki kyndon ka Riti Synshar ka Ri bad ka long kaba kongsan na ka bynta ka jingim bad ka bha ka miat jongki paid Tiprasa. Ngim pat iapein ia ka lawei jong ki paid Tiprasa bad nga kmen bad ka IPFT ruh kala ieng ban dawa lang ia ka Tipraland. Lada ngi dang iatylli, ngi lah ban iohia u soh. Ka jingiakren shuh shuh ia kane ka kam kan sa long ha ki sngi ban wan”.
La pyntpruh ba u Shukla Charan Noatia, u MLA ba marwei ka IPFT bad u Myntri ha ka Sorkar u Manik Saha, ruh ula shong jingialang la ka jong bad ki Heh ka MHA ha Delhi.
Pule ruh: Phah ka MHA ia ki video ka Manipur sha ka CBI, kyrpad ia ka SC ban rah ia ki case shabar ka Jylla
 bad ki TIPRA Motha kaba ialam da u Pradyot Kishore Debbarma ban iakren ia kane ka jingdawa ‘Greaer Tipraland’-ka jylla la ka jong na ka bynta ki Tiprasa, ha New Delhi ha ka sngi Palei.){kind=link}