spot_img

Ioh pyllait im ka RPF ia palat 450 tylli ki jakoid ba dang im na Silchar

Date:

Share post:

Shillong, Iaiong 20: Ha ka jingshimkhia ban iada ia ki mrad, ka kynhun jong ka Railway Protection Force (RPF) na Silchar Post, hapoh jong ka Lumding Division jongka Northeast Frontier Railway, kala lap bad pyllait im ia kumba 450 tylli ki jakoid kiba dang im ha ka jingkhynra ha Silchar Railway Station ha ka 14 tarik u Iaiong.

Ha ka por kumba 8 baje, ki heh ophisar jong ka RPF na Silchar, kila lap 3 tylli ki pla ia kaba ym shim la don kiba kam trai kiba la buh hajan ka Platform 01. Haba khmih ia kawei pa kawei kane ka pla, la shem bad kila don kumba 150 tylli ki jakoid kiba dang im kaba long baroh 450 tylli ki jakoid.

Wat hapdeng jong kane ka jingshimkhia, ym shim la don uno uno u riewshimet uba la mih shakhmat ban kam trai ia kitei ki pla.

Da kaba shimkhia mardor ryngkat bad ka jingdon ia ka jingkitkhlieh, ka kynhun jong ka RPF kala pynthikna ia ka jingpynkit kaba shngain ia ki jakoid sha ka Divisional Forest Officer (DFO), Barak Valley Wildlife Division, Silchar khnang ba kan pynkhreh ia ka jaka kaba biang bad ban leh ia kaba donkam.

Kane ka jingjia, kala pyni ia ka jinglah ka kynhun RPF ban ai ia ka jingiada ym tang ia ki nongshong rel bad ia ki jingdon jingem jong ka Railway, hynrei kala long ruh ka jingiada ia ki mrad bad ia ka mariang.

Ka Northeast Frontier Railway ka iengskhem ha kaban pynthikna ia ka jingshngain bad kumjuh ruh ban batskhem ha kaban pynneh pynsah ia ka jinglong jingman ha ki sawdong sawkun baroh kawei, da kaba peitngor bad iatreilang bad ki bor kiba dei khmih ia ka mariang.

Share post:

spot_img
spot_img

Popular

More like this
Related

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...