Ioh kurup biang haduh 1662 tylli ki mobile handset
Shillong, K’lyngkot 06 : Kat haduh ka 6 tarik Kyllalyngkot, haduh 5914 tylli ki mobile handset la pyntip ba kila jah lane shah tuh sha ka Central Equipment Identity Register (CEIR) portal ha Meghalaya.
Napdeng kine, haduh mynta, 1662 tylli ki mobile handset la lah ban lapdien bad la ioh kurup biang, kaba pyni ia ka jing treikam bha kane ka rukoom treiam bad ka jingkhlain ka jingiatreilang hapdeng ki kynhun ba iadon bynta, ong ka Department of Telecommunication (DoT).
Ka CEIR portal ka pynlah ia ki nongshongshnong ba kin pyntip ia ka jingshah tuh lane jah ki mobile handset, ka iarap ban wad bad ban shem biang bad iarap ruh ban khanglad ia ka jingpyndonkam bakla ia kine ki tiar.
Ka CEIR portal ka ailad ia ki nongshongshnong ba kin block ia ki mobile phone ba shah tuh ne jah, ban khanglad ia ka jingpyndonkam bakla, ban buddien bad lap biang ia kane ka tiar shuwa ba ki paw dak bala pyndonkam ia ki ha kano kano ka telecom network bad ban unblock noh ia ki tiar bala ioh kurup biang lyngba kane ka juh ka rynsan.
Ka jingjop jong ka CEIR ha Meghalaya ka dei kaba ai mynsiem lyngba ka jingiatreilang ba shirhem hapdeng ki Telecom Service Providers (TSP), ki Pulit ka Jylla bad ka jingtip ki paidbah ia ki digital service ba ai da ka Department of Telecommunication.
La kynti ia ki nongshongshnong ba kin pyntip mardor ia kano kano ka jingjah ne jingshah tuh ki mobile phone lyngba ka CEIR portal ha ka https://www.ceir.gov.in.
 portal ha Meghalaya.){kind=link}