Nongpoh, Naiwieng 05: Ki samla pule ka University of Science and Technology Meghalaya (USTM) kila ioh mynsiem hadien ba kila iohsngew ia ka jingkren kaba kyrpang na u Dr. T.K. Sundara Murthy, uba long u riewstad uba pawkhmat bha ka ri halor ki kam haw haw.
U Dr. T.K. Sundara Murthy ula ai jingkren bad iakren ruh bad ki samla pule ha ka Workshop kaba la ai kyrteng “Recent Achievements of ISRO in Space Physics” bad ia kane ka workshop, la pynlong da ka Physics Department, da ka jingthmu ban pynsngewthuh ia ki samla pule halor ka jingnoh synniang jongka Indian Space Research Organisation (ISRO) bad ban ai mynsiem ia ki samla kin long ki nongwad bniah.
La synran ia u Dr. T.K. Sundara Murthy da ka S Bharathi Murthy bad u Pranesh Debnath.
U Dr. Murthy ula ai ka jingbatai kaba bniah halor ka jingiaid lynti jongka ISRO bad halor ki mishon ki jongka kiba kynthup iaka Chandrayaan bad Gaganyaan projects. Ka jingbatai ka jongu ka long halor ka jingiaid shakhmat ka rid a kaba pyndonkam ia ki kor teknoloji kiba thymmai kaba la rah shajrong iaka ri India ha kaba iadei bad ki kam wad bniah ha haw-haw, kaba pyni ba ka ISRO ka don iaka jingskhem jingmut ban pyniar ia ka jingnang jingtip ha kaba iadei bad ka Space Physics bad kumjuh halor ka jingpyndonkam ia ka.
Ula batai ruh ia ki mishon kaba ka ri kan dang shim ne leh ha kine ki sngi kiban wan bad ula pynsngewthuh ia ki samla pule shaphang ka jingroi ka lawei ha katei ka liang.
Halor palat 40 snem ka jingshakri ha ka ISRO, u Dr. Murthy ula leh ia ki kam bad ki bynta kiba khraw kum u Mission Director bad ula long u nongsaindur uba hakhmat eh ha kaban pynwandur bad ban jop ha ka jingpyntreikam ia ki satellite kiba kynthup ia u EUTELSAT, HYLAS bad AVANTHI.
Hadien ka jingai jingkren, ki samla pule kila ioh ia ka lad ban kylli jingkylli kiba bniah halor ki kam wad bniah ha haw-haw bad kila odn ruh kiba la buh ia ki jingkylli ban ha kaba iadei bad ki lad bad ki kabu ban ioh trei ha kaba iadei bad ka Space Research bad ka jingkongsan ban iatreilang bad kiwei pat ki ri na ka bynta shuh shuh ia ka Space Science.
U Dr. Murthy ula pynshlur iaki samla pule ba kin wad ia ki lad ki lynti ban wad bniah halor ki mat bapher bapher bad ula banjur ba ka lawei jongka jingwad bniah bad jingtih bniah halor ka haw haw ka shong eh haka jingthrang bad ka jingleh ia kiei kiei kiba long thymmai.
 bad ban ai mynsiem ia ki samla kin long ki nongwad bniah.){kind=link}