Shillong Lber 13: Ka Executive Member (EM) ka tnat Market jong ka KHADC, Kong Grace Mary Kharpuri kala pyntip ba ka Council kala ioh lum T.35 lak ka khajna naki Iew jong ka Council ha u snem 2022-2024.
Haba jubab iaka jingkylli ba wanrah da u MDC ka Laban Bah Mitchell Wankhar, ka Kong Grace kala pyntip ba ha u snem 2022-2023 ka KHADC ka la iohlum T.16,10,900 bad ha u snem 2023-2024 ka la iohlum T.18,98,900 na ki iew ka Council.
Ka Kong Grace kala pyntip ba ka jingiohlum khajna ka dei naka Iew Laitlyngkot, Iew Byrnihat bad na Mawiong Regulated Market.
Kala pyntip ba ha u snem 2023-2024, ka Council na ka Iew Byrnihat ka iohlum T.6,20,000, naka Iew Laitlyngkot la iohlum T.3,20,000 bad na ka Mawiong Regulated Market la iohlum T.5,30,000.
Nalor kane ka Kong Grace ka la pyntip ruh ba ki don 45 tylli ki iew Hima bad 14 tylli ki iew shimet kiba la ioh jingbit na ka KHADC.
