Aizawl, K’lyngkot 16 : Ki shipai ka Assam Riflew ha ka 15 tarik mynta u bnai ki la ioh ban kurup haduh 98,000 tylli ki dawai kuli Triproldine HCL bad ki Pseudoephedrine tablets ba shongdor haduh kumba T. 9.80 klur na ki bynta ka Thuampui hapoh Mizoram bad kem noh ia arngut kiba donkti.
Ki shipai na ka Aizawl Battalion jong ka 23 Sector Assam Rifles hapoh ka jingialam jong u Inspector General Assam Rifles (East) ki la pynlong ia ka jingkhynra ha ryngkat ki dkhot ka CID (SB), Aizawl hadien ba kila ioh ia ka jingtip kaba bniah.
Katkum u heh pulit la ong ba kine ki 98,000 tylli ki drok Triprolidine HCL bad Pseudoephedrine tablet ki shongdor haduh kumba T. 9, 80,00,000.
“Ia kine ki drok ba la ioh kurup kumjuh ia ki briew kiba la ioh kem la aiti noh sha ka tnat Special Narcotics Police Station CID ) Crime), Aizawl ha ka 15 tarik mynta u bnai na ka bynta ban bteng shuh shuh ia ka jingtohkit, ong u heh ka tnat shipai Assam Rifles.
“Ki kam khaii drok beain kiba dang iai bteng ki la wanrah ka jingsngewkhia kaba jur na ka bynta ka jylla Mizoram.Ki shipai ka Assam Rifles ki la lah ban tehalakam ha kaba iadei bad kiba kum kine ki kam khaii drok ha Mizoram,” ong u heh ka tnat shipai.
Ha ka 13 tarik mynta u bnai, ki shipai Assam Rifles kila ioh ban kurup ia ka kyiad bar ri kaba shongdor kumba T. 11.99 lak na Zokhathar kaba hapoh Champai district ka Mizoram.
Kane ka jingioh kurup kala wan long hadien ka jingkhynra kaba la long hajan ki bynta jong ka IMB XG-III ha ka shnong Zokhawthar kaba hapoh Chaphai district.
