Shillong, Naiwieng 02: Ka samla Mathrika Choudhury ka la ioh kup ia ka painsngiat kum ka Miss Shillong 2025 bad ka la ioh ruh iaka song pisa kaba T.1 lak.
Iaka jingiakop thei bhabriew la pynlong da ka Fashion Society Shillong (FSS) ha U Soso Tham Auditorium ha kaba la wan shim bynta da 19 ngut ki thei samla.
Ka Wandaphi Kharbamon ka la ioh rah ïa ka kyrdan First Runners up bad ka song pisa kaba T.75 hajar, bud sa ka Jollyne Ancie Lyngdoh kaba ioh Second Runners up ha ryngkat ka song pisa kaba T.50 hajar.
Ka Nimrat Ranhotra bad ka Rimika Shylla ki dei kiba wan ba lai bad ba saw.
Ki 5 ngut ki thei bhabriew kiba poi final ki hap ban kynduh haka Question Round haka ba ki Judge kila ioh lad ban bishar iaki.
Ki nongiashim bynta ki la iaid lyngba saw tylli ki round kata self-introduction, recycle, wild west bad silver elegance evening gown.
Nalor ki nongjop haka kyrdan ba khliehduh, la sam ruh daki khusnam bapher bapher kynthup ka Viewer’s Choice ha ka website jong ka The Shillong Times baka jop daka Jollyne Ancie Lyngdoh bad Rimika Shylla kaba la jop lyngba ka jingjied naka website jong u Mawphor.
Kiwei pat kiba ïoh ïa ka nam kyrpang ki kynthup ïa ka Niha Hajong (Miss Alluring Smile), ka Wandaphi Kharbamon (Miss Talented), ka Isadelia Bareh (Miss Sparkling Eyes), ka Bashika Warlaitthma (Best Recycle Outfit), ka Elizabeth Lyngkydoh (Miss Tantalizing T Dresses), bad ka kong Agnes Lyngkydoh (Miss Sil).
Ia ki thei bhabriew la bishar da ka kynhun ki Judge haka jingdonlang u Nongaibuit ka tnat Social Welfare ka Sorkar Jylla u Bah Paul Lyngdoh, u Principal Secretary ka tnat Arts & Culture u Bah FR Kharkongor bad u president ka FSS u Bah Adlous Mawlong.
