Shillong, Jymmang 02: U nongiakhun kti lane arm wrestling ka jylla Meghalaya napoh ka thain Nongstoin, bah Hubert Paliar hynne ka sngi ula ioh khur ia ka takma ksiar ha ka 70kg (kti ka mon) bad ka takma rupa ha ka (kti ka diang) ha ka 20th Asian Para Arm wrestling Championships ba la pynlong ha Dubai Azman UAE.
Kane ka lympung kala sdang ha ka 28 tarik Iaiong haduh ka 3 tarik u Jymmang 2023. Ha ka jingiakhun phainal, u bah Paliar ula jop pyrshah ia u Dimitri Skubaba naka ri Kazakhstan hynrei ula shah pynrem noh pat ha u juh u rangiakhun kti ha ka left category
U bah Paliar u la pyntbit ialade kum u nongiakhun kti bad pyniasoh bad ka home Deligbaker & Confectioners.
Une u samla u don ka jingsngewtynnad ha ka kam ialehkai naduh ka por ba u dang long khynnah kum ha ka jingialehkai phutbol bad ka iakhun kti bad ula iashimbynta ha ka India 55kg ha ka senior category jong ka world arm wrestling championship kaba la long ha Turkey.
U bah Pahliar ula jop ruh ha ka Meghalaya arm wrestling championships ba la long ha snem 2015 bad dang shen u la leit iashimbynta ha ka 40th National Arm wrestling championships ba la long ha G.H Raisoni Polytechnic Sharadha Park Nagpur, Maharashtra.
