Shillong, Nailar 25: Ka North Eastern Indira Gandhi Regional Institute of Health and Medical Sciences (NEIGRIHMS) haka sien ba nyngkong eh, kala lah ban sumar lyngba ka Hyperthermic Intraperitoneal Chemotherapy (HIPEC) iaka briew ba 50 snem kaba don ka jingpang Ovary Cancer.
Ka jingsumar lyngba ka HIPEC kadei ruh ka buit bala leh lyngba ka Chemotherapy Drugs bala ai kyrteng daka Hot Chemotherapy bad ia kane ka jingsumar la leh hadien bala weng noh ia u Tumours na kpoh da kaba shu puid.
Ia kane ka rukom sumar la da ki kor kiba kyrpang hadien bala pynkhluid daka Chemotherapy daka ba bsuh sha kpoh jong ka breow kumba shi kynta bad kane ka rukom sumar daka HIPEC kadei kaba kyllain bha hynreu kaba iarap bha haba iadei bad ka jingsumar iaka jingpang Ovary Cancer ka ban pyllait iaki nongpang naka jingkhlad.
Ia kane ka jingsumar la khlieh da Dr. Caleb Harris Additional Professor ka tnat Surgical Oncology jong ka NEIGRIHMS haka jingdon lang ka Dr. Pallabika Mandal, Assistant Professor, Surgical Oncology, Dr. Yepeto Lohe bad Dr. Pynroibor Mawblei Senior Resident Doctors Surgical Oncology bad ka Dr. Neha Rawat ka Assistant Professor Anaesthesiology.
“Kane ka jingjop ban sumar kadei ka nam iaka NEIGRIHMS bad iaki paidbah ka Meghalaya” la ong u Dr. Nalin Mehta u Director ka NEIGRIHMS bad ula ong ba ka jingsumar lyngba ka HIPEC kadei kaba la pyntbit bha bad kane ka jingsumar ka pat don ha bun ki jylla ka ri India.
“Mynta ngi la lah ban sumar iaki ba pang Ovary Cancer bad kane ka long ka jingkyrmen iaki paidbah ka jylla” ula ong.
Dr. C. Daniala Medical Superintendent of NEIGRIHMS ula ong ba ka Hospital kan dang iai pyrshang ban kham pynjanai shuh shuh iaka rukom sumar daka HIPEC Machine bad ka jingjop mynta ka sngi kan ai mynsiem iaka Hospital ban sumar shuh shuh iaki briew kiba don ia kane ka jait jingpang.
“Ngi ken ba ngi la lah ban sumar bad ngi kyrmen skhem ba kiwei ki nongpang ruh kin sngew shngain ban wan shah sumar ha kane ka Hospital” ula ong.
