Shillong, Nailur 05: Ka long ka jingsarong ia ka Jylla ba kawei ka Nonghikai na Ri-lum Garo, kala ioh pdiang ia ka khusnam ‘National Awards to Teachers 2022’. Kane ka Nonghikai ka dei ka Gramchi Timre R Marak na East Garo Hills.
Ka Gramchi ka dei ka Head Teacher jong ka Educere Higher Secondary School kaba don ha Williamnagar, East Garo Hills bad ka dei ruh kawei na ki hynriew ngut ki Nonghikai ka Thain Shatei Lam Mihngi kaba ioh pdiang ia kane ka khusnam.
Ka President ka Ri Droupadi Murmu kala pynkup burom ia kine ki Nonghikai ha ka jingialang ba long ha Vigyan Bhawan, New Delhi ban rakhe ia ka sngi kyrpang jong ki nonghikai.
Ka Ministry of Education ka ju sam ia ka khusnam National Awards to Teachers ha ka sngi kyrpang ki Nonghikai manla u snem ban pynkup burom ia ki Nonghkai kiba tbit tam jong ka Ri.
