Ioh ka Meghalaya haduh T.86 klur n aka PDRD ba la pyllait da ka sorkar pdeng

Shillong, Naiwieng 07: Ka Department of Expenditure ka tnat Finance ka Sorkar Pdeng, mynta ka sngi nyngkong, kala pyllait ia ka Post Devolution Revenue Deficit (PDRD) Grant kaba T. 7,183.42 klur sha 14 tylli ki Jylla katkum ka jingai jingmut jong ka Fifteenth Finance Commission jong ka ri.

Ka Fifteenth Finance Commission kala ai jingmut ban ai iaka PDRD Grant kaba T. 86,201 klur sha 14 tylli ki Jylla na ka bynta u snem mang tyngka 2022-23 bad ia kane ka Grant la pyllait da ka Department of Expenditure sha ki Jylla ba la jied ha ki 12 tylli ki bynta jong ka jingsiew ba man ka bnai.

Lyngba ka jingpyllait ia ka bynta jingsiew kaba 8 jong u bnai Naiwieng, 2022, ki Revenue Deficit Grant baroh ba la pyllait sha ki Jylla ha u 2022-23 ka la kiew sha ka T. 57,467.33 klur.

La ai iaki Post Devolution Revenue Deficit Grant sha ki Jylla hapoh ka Article 275 jong ka Riti Synshar bad la pyllait ia ki Grant sha ki Jylla katkum ki jingai jingmut jong ki Finance Commission ban pyndap ia ki jingduna ha ki Revenue Account jong ki Jylla.

Ka jingioh ki Jylla ia kane ka Grant na ka bynta ka samoi naduh u 2020-21 haduh 2025-26 la rai da ka Fifteenth Finance Commission da kaba buh nongrim ha ka jingiapher hapdeng ka jingpeit ia ka jingpynmih pisa bad ka jingpynlut jong ka Jylla.

Ki jylla kiba ka Fifteenth Finance Commission kala ai jingmut ban ioh ia ka PDRD Grant ha u 2022-23 ki kynthup iaka Andhra Pradesh, Assam, Himachal Pradesh, Kerala, Manipur, Meghalaya, Mizoram, Nagaland, Punjab, Rajasthan, Sikkim, Tripura, Uttarakhand bad West Bengal.

Ka PDRD Grant ba la pyllait sha ki Jylla da ki Klur Tyngka