Shillong, Jylliew 26 : Ka Khasi Hills Autonomous District Council (KHADC) bala ioh pdiang ia ka song pisa ba palat T. 12.37 klur kum ka bhah na ka khajna kali jong u snem 2022-2023.
Haba jybab ia ka jingkylli bala wanrah da u MDC ka Mawkynrew Bah Martle N Mukhim, u CEM ka KHADC Bah Pyniaid Sing Syiem ula ong ba ka song pisa baroh bala mang ka long T. 14 klur bad ka pisa bala ioh pdiang ka long T. 12.37 klur katba kaba dang sah ha long T.1.65 klur.
U Bah Pyniaid ula pyntip ruh ba ka Council kala ioh pdiang T.2.04 klur ha ka snem mang tyngka 2021-2022 bad T. 3.45 klur jong u snem 2020-2021.
Ula pyntip ba ka KHADC kala ioh 60% ka bhah khajna bala lum da ka Sorkar Jylla na ki kali.
Nalor kane, u CEM ula pynpaw ba ym don jingtip satia halor ka khajna bala ioh lum baroh lang na ki kali namar ia ka jingkhein jingdiah halor kane, la leh hi da ka Sorkar Jylla bad ka Council ka shu pdiang beit ia kaei kaba la ai kum ka bhah na kane ka khajna.
Pule ruh:Â Thung ka Sorkar da ka jingtohkit Majistor ba khyllem ka kynron ka PA Sangma Stadium
 bala ioh pdiang ia ka song pisa ba palat T. 12.37 klur kum ka bhah na ka khajna kali jong u snem 2022-2023.){kind=link}