Shillong, K’lyngkot 25 : Ka Inspector Aniosca Basaiawmoit kaba bat ia ka kam kum ka Senior Instructor ha Central Training Institute ka Civil Defence and Home Guards, Meghalaya, Mawdiangdiang, kala ioh pdiang ia ka Medal for Meritorious Service (MSM) ha ka jingrakhe ia ka Republic Day ba 75 jong ka Ri India.
Ka Inspector Basaiawmoit ka dei ka Pulit ba nyngkong na ka tnad Civil Defence and Home Guard jong ka Jylla ban iohpdiang ia kane ka medal ba dang shu pynmih thymmai.
Ka Ministry of Home Affairs dang shen kala pynmih thymmai ia saw tylli ki medal, artylli ki gallantry bad artylli ki service medal ki ban ai sha baroh ki Pulit ka CAPF, State Police, Civil Defence & Home Guards, RPF, Correctional Services, Fire Service bad kiwei kiwei.
Kine ki saw tylli ki medal ki bujli noh ia ki medal barim kum ka Home Guards and Civil Defence Medal for Meritorious Service bad Police Medal for Meritorious Service bad kiwei kiwei.
