Shillong, Rymphang 26 : U Myntri kam bording Bah Metbah Lyngdoh ula pyntip ba ka Meghalaya Power Generation Corporation (MePGCL) kal pyndep ia ki detailed project reports (DPRs) haduh 12 tylli ki hydro power project ba rit ba pynmih bording 63 MW bad mynjur ia artylli ki project ba ithuh hi (37.5 MW), kaba pynioh ei 12% ka bording bad 1% ka LADF ia ka Jylla.
Iaka soskular ban pyntreikam lah dep ban iasoi bad ka Power Distribution Corporation Limited ka Jylla kan iasoi ia ka Power Purchase Agreement ba 30% jong ki kor pynmih bording bala pyndait bad ki nongpynmih bording. Ka Jylla kan ioh ei 12% ka bording bad 1% ka LADF na baroh artylli ki project” ong u bah Metbah haba jubab ia ka cut motion ha Iingdorbar Thaw Ain ha ka sngi Palei.
“Ka Sorkar kala air uh ka jingmynjur ban iasoi ia ka soskular pyntreikam na ka bynta ban shna ia ka hydro project kaba heh bad ka kompani shimet. Hynrei, ka Jylla kan nym ioh ia kano kano ka PPA na kane ka project. Ka Jylla kan ioh ei ia 12% ka bording bad 1% ka LADF na ka project” ula bynrap.
Halor ka jingiaid ki kam jong ka Riangdo Small Hydro Project, u Bah Metbah ula ong “Ka project ka dang don hapdeng ka jingpyntrei bad ia mynta, 48% na ki kam kila dep. La khmih lynti ban plie ia kane ka project hapoh u 2028”.
Ka project, kaba nyngkong la mang kum ka project ba 3 MW, lah kyntiew kyrdan mynta sha ka 6 MW ha kaba ka jingmang pisa ban pyndep ka kot T.68.32 klur.
“Ka IIT Roorkee kala aiti ia ka DPR ban pynhreh ia kane ka project na ka 3 MW sha ka 6 MW” ula ong.
Ka Sorkar kala buh T.15 klur ha ka mang tyngka na ka bynta ka jinglut jingsep jong ka project ha une u snem mang tyngka ban wan.
 kal pyndep ia ki detailed project reports (DPRs) haduh 12 tylli ki hydro power project ba rit ba pynmih bording 63 MW bad mynjur ia artylli ki project ba ithuh hi (37.5 MW), kaba pynioh ei 12% ka bording bad 1% ka LADF ia ka Jylla.){kind=link}