Shillong, Lber 15: Ka NorthEast United FC kan ïakhun pyrshah ïa ka Jamshedpur FC ha ka jingïakhun kaba nyngkong jong ka Playoff Knockout ha ka 30 tarik mynta u bnai ha madan Jawaharlal Nehru ha Shillong.
Ka Indian Super League (ISL) ka la pynbna ïa ka prokram ïalehkai jong ka Playoffs 2024-2025, hadien ba ka jingïakhun jong ka League kala kut noh ha ka 12 tarik mynta u bnai.
Ka Knockout Round, ka ban long ha ka 29 bad 30 tarik Lber kan pynthikna kino ki kynhun ki ban rung sha ka Semi-Final.
Ka Mohun Bagan SG ka la ioh ban rah iaka League Shield ha ka sien kaba ar lynter, kaba la thaw ia ka histori kum ka klob kaba nyngkong eh ban ioh ia kane ka jingjop katba ki kynhun kata ka FC Goa, Bengaluru FC, NorthEast United FC, Jamshedpur FC, bad ka Mumbai City FC ki la ïoh ïa ka jaka ban ïakhun ha ka Playoffs.
Ha ka Playoffs, ki kynhun kiba wan ha ka kyrdan kaba lai haduh kaba hynriew kin ïakhun ha ki jingïalehkai ba tang shisien ha kaba ki kynhun kiba jop kin ïakhun pyrshah ïa ka Mohun Bagan SG bad ka FC Goa, kiba la ïoh ban rung beit beit sha ka Semi Final.
Iaka ka semi-final yn ialehkai ar sien ha kaba ki nongjop baroh kin iaid sha ka Final ka ban long ha ka 12 tarik Iaiong.
Ka prokram ka long, Lber 29: Bengaluru FC vs Mumbai City FC, Lber 30: NorthEast United FC vs Jamshedpur FC, ki Semi-finals (Two Legs) 2 tarik bad 6 tarik Iaiong Winner of Knockout 1 vs FC Goa, 3 tarik bad 7 tarik Iiaong Winner of Knockout 2 vs Mohun Bagan SG bad ka Final kan long haka 12 tarik Iaiong Winner of Semi-final 1 vs Winner of Semi-final 2.
Lada jia ba ïakhaid ha ka jingïalehkai Knockout ne Semi-Final, ki jingïalehkai kin ïaid sha ka Extra Time bad lada ym don ba jop, ki jingïalehkai kin poi shaka jingiashut Penalty.
