Shillong, Nohprah 10: U Purav Agarwal uba ialehkai kum u nongkawang bol off spinner na sor Tura, u la rung kyrteng ha ka iew iadie iathied player jong ka lympung Indian Premier League 2026.
Une u samla ba dang 22 snem ka rta, la sngewthuh baka kyrteng ka jong u kan rung sha ka thup jong kane ka iew iadei iathied kaban long ha ka 16 tarik mynta u bnai ha Abu Dhabi.
U Purav, ula mihkhmat ia k Meghalaya ha ka kyrdan ialehkai jong ka U-19 bad ka U-23 bad dang shen ha ka lympung ka Col CK Nayudu Trophy 2025-26. Ka samoi ialehkai kaba la mihpaw ka sap ba nylla ka jong u ka long ha u 2021-22, kaba hangne u la ioh ban khur 30 tylli ki wiket ha ka lympung iakhun ka U-19 men’s Cooch Behar Trophy.
Dang shen u la ioh ia ka lad ban ia treilang bad ka kynhun ialehkai ba iakhun ha ka IPL ka Rajasthan Royals , ha kaba hangne ka MCA ka sngew dap da ka mynsiem kaba kmen bad sarong ba kan lah lem ha kaban sei ia ki player kiba kum u Purav, ha kaba u Honarary Secretary u bah Rayonald Kharkami u shim ia kane ka kabu ban ai ia ka kitbok kitrwiang ba un lah ban paw bad tyngshain ka jingim ialehkai ka jong u.
