Nongstoin, K’lyngkot 23: Ka BJP Nongstoin Mandal ka la rai ban phah tyrwa sha Delhi lyngba ka state level ia ki lai tylli ki mat iakhun elekshon MLA. Kine ki long ka ILP border ishu bad ban pynrung ia ka kyntien khasi ha ka manifesto jong ka state party.
U working president ka party BJP nongstoin u ba long ruh u ex MLA na ka party HSPDP u bah D. Jyndiang haba kren sha ki lad pathai khubor ha ophis ka party, u la ong ruh ba hadien ka jingwan ki nongialam ka state level ha nongstoin ha ka 18 tarik, mynta ka sngi pat ki la jied bad pynrung thymmai biang ia ki dkhot ka party. La rai ruh ban sdang pynkhlain ia ka party ha ka liang ki rangbah, longkmie, samla bad nongrep.
Ha kaba ia dei bad u kyrtong, na ka liang u bah D.Jyndiang u la ong ba ha ka jingshisha ki don ar ngut kiba kwah tiket ba kynthup ia u kum u ex MLA. Hynrei, uwei pat u la dep rung noh sha ka congress. Kumta u don jingkyrmen ban ioh ia ka tiket ha kaba ka party na Delhi kan sa ai ia ka rai ha kine ki khyndiat sngi ban wan.
