Shillong Nohprah 02: U MLA barim ka Umroi Constituency u Bah George B Lyngdoh ula iehnohkam kum u Vice President ka seng saiñ pyrthei Trinamool Congress (TMC) Meghalaya bad kum u President jongka Umroi TMC Block Committee.
Ka tkum ka shithi kaba la phah da u Bah George sha u President ka TMC Bah Charles Pyngrope haka 1 tarik u Nohprah, ula pynpaw ba dei na ki daw shimet ba ula shim iaka rai ban iehnoh mardor ia ka kam kum u Vice President bad President ka Umroi TMC Block Committee.
U Bah George ula pynpaw ba kan long kaei kaei kaban sah kynmaw ba ula don hapoh ka seng AITC hapoh ka jingialam bad ka jingbtin u Bah Charles ha ka snem kaba la dep bad ula ong ba u Bah Charles bad kiwei pat ki nongialam kila ai iaka jingkyrshan bad kumjuh ia kito kiba la pyni kumno ban pynlong ia ka jingeh kum ki lad kiba lah ban jia (possibilities) bad ia ki raieh raidam kum ki lad kiba lah ban pynurlong da ki kam (oppurtunities).
“Lyngba ka jong phi, nga ai khublei ia baroh ki nongialam ka seng bad ia ki dkhot kiba la long kum ki nongbtin lynti bad nong ai jingkyrshan ha kiba bun ki bynta kiba ngi la shim ha kaban ai jingshakri ia u paidbah bad iaka jylla” la pynpaw u Bah George.
U kyrmen skhem ba ha ki sngi ban wan yn lah ban bteng ban ia sam markylliang ia ki jingsngew bad ki jingpynpaw na ka bynta ka jingmyntoi jong ki nongshong shnong.
U Bah George ula phah kopi ruh ia katei ka shithi iehnoh kam sha u National General Secretary ka TMC u Abhishek Banerjee bad sha u Parliamentary Party Leader ka TMC u Dr Mukul Sangma.
 Meghalaya bad kum u President jongka Umroi TMC Block Committee.){kind=link}