Shillong, Iaiong 10 : Ka Prof Sherwin M Sungoh kala ai ia ka shithi iehnohkam na ka shuki Pro-Vice Chancellor bad ha ka jaka jong kata, kala tyrwa ban treikam noh kum ka Vice Chancellor (In-charge) jong ka skulbah North Eastern Hill University (NEHU).
Ha ka shithi bala phah sha ki bor khmih sha Delhi, ka Prof Sungoh kala ong ba haba khmih ia ka jinglong jingman hapoh ka skulbah bad ka jingdawa jong ki kynhun bapher bapher, ka long kaba eh ia ka ban treikam kum ka Pro-Vice Chancellor hapdeng ki jingpynbor kiba jur.
“Halor kine ki nongrim bala kdew, nga jied ban buh ia ka shithi iehnohkam na ka shuki Pro Vice Chancellor bad ngan trei kam noh kum ka Vice Chancellor (In-Charge) kat kum ka hok ba nga dei ka professor bala rangbah duh, kat kum ka status 2(A)(5)(i) jong ka skulbah, ha ryngkat ka bor ban pyniaid ia ki kam ki jam bad ban pyniaid ia ka pisa pilain, ka ban long noh mardor,” kala thoh.
Ka Prof Sungoh kala kdew ruh ia ki jingeh bala iakynduh naduh ba u Prof Prabha Shankar Shukla u khlem lah wan trei hapoh ka headquarter bad ba ka bor bala ai sha ka ba kan pyniaid ia ki kam bad ka pisa tyngka ka dang duna palat ban lah pyniaid ia ki kam ki jam ba man ka sngi jong ka skulbah.
Ka ong ba ki jingialang jong ki School Board jong ka skulbah kila dep kut bad mynta ia ki jingai jingmut dang ap ban ioh ia ka jingmynjur jong ka Academic Council| Executive Council kaba ngam don satia ha ka bor ban pyniaid.
“Ka jingpynrung klas ia ki samla pule thymmai kan sa sdang naduh ka aion sdang klas ban wan, kumta, kan bha shibun ban wad ia ka lynti ban pynbeit ia kane ka jingeh ba don mynta hashuwa ba kan dier ka por” kala ong haba pyntip ba ka skulbah ka la iakynduh ruh ia ki mukotduma ba dang sahteng ha ki iingkashari, ka jingpyniasoh bad kiwei kiwei ki kam ba iadei bad ka pule ka dangle.
 jong ka skulbah North Eastern Hill University (NEHU).){kind=link}