Shillong, Risaw 28 : Ha ka drama sain pyrthei, u Zenith Sangma, MLA barim ka All India Trinamool Congress (AITC) na Rangsakona bad para u Myntri Rangbah barim Mukul Sangma, ula iehnohkam noh na ka AITC bad leit pyniasoh biang sha ka Indian National Congress (INC).
Ha ka shithi bap hah sha u President ka AITC ha Jylla Bah Charles Pyngrope hynne ka sngi Ba-ar, u Zenith Sangma ula pyntip ba ula rai ban iehnoh naka kam Vice President ka Meghalaya Trinamool Congress bad long dkhot jong ka party ka ban treikam mar mar.
Ula aidaw ia ka jingdonkam ban sdang pat ia ka lynti iaid da kawei ka lynnong kaba long kat kum ka jingangnud bad jing kwah jong ki paidbah ba u shakri.
“Mynta ka sngi, nga sngew ba ka dei ka por kaba biang eh ia nga ban jam shakhmat bad sdang ia ka lynti iaid kaba thymmai-ka lynti kaba long kat kum ka jingangnud shimet bad ka jingkwah kaba nga bat na ka bynta ki paidbah ba nga shakri” ong u Zenith ha ka shithi.
U President ka AITC ula pdiang ia kane ka shithi iehnohkam u Zenith.
Ha kajuh ka por, ka All India Congress Committee (AICC) kala ai jingmynjur ia ka jingwan iasoh biang u Zenith, da ka shithi na u AICC In-charge ka Meghalaya Dr A Chellakumar ba pyntip ia u President ka MPCC Bah Vincent Pala ia kane ka rai.
“Kane ka long kum ka jingpyntip sha phi ba u President ka Congress ula ai jingmynjur ia ka jingtyrwa ban wan iasoh biang u Zenith Sangma sha ka Indian National Congress” ong u Dr Chellakumar.
Ka jingleit phai u Zenith sha ka Congress la i kum ka sienjam ban pynim pat ia kane ka party ha ri-lum Garo, hashuwa ka elekshon MLA 2028.
 na Rangsakona bad para u Myntri Rangbah barim Mukul Sangma, ula iehnohkam noh na ka AITC bad leit pyniasoh biang sha ka Indian National Congress (INC).){kind=link}