Shillong, Nailar 29: Ka sorkar ka ieh haka jingstad u Vice Chancellor (VC) ka skulbah NEHU ban pynbeit noh iaka jingiasngewthuh bakla bad ka Meghalaya College Teachers Association (MCTA) halor ka rai jong ka University ban pyntreikam noh iaka National Education Policy (NEP).
Ia kane la pyntip da u Adviser ka tnat pule puthi ka sorkar jylla bah H. M Shangpliang haba bynrap baka sorkar ka ieng haka nongrim ban pyniaid shakhmat iaka NEP.
Haba kren sha ki lad pathai khubor u bah Shangpliang ula ban baka sorkar ka ieng haka nongrim banpyn iaid shakhmat ha ka jingpyntreikam iaka NEP bad haduh mynta bun ki Colleges kila iaid shakhmat ban pyntreikam iakane ka policy ba thymmai.
“Nga la ioh sngew ba u VC ula khot iaka MCTA ban wan shaka meij iakren na ka bynta ban pynbeit iaki jingbym iasngewthuh jingmut hapdeng kine ar mamla bad nga kyrmen ba shen yn sa lah ban pynbeit ia ki jingeh ba ki MCTA ki kynduh haba iadei bad ka jingpyntreikam iaka NEP ha ki College” ong u bah Shangpliang.
U bah Shangpliang ula ong ruh ba nalor ki College, ki kyndon jong ka NEP ki kdew ruh ba ia kane ka Policy donkam ban pyntreikam naduh ki skul khnang ban kyntiew iaka pule puthi ha baroh kawei ka jylla.
Ula ong ruh ba ka sorkar ka dang iaid shakhmat ban pynbha bad tei thymmai iaki jingtei (Infrastructure) bad ban thung nonghikai thymmai ha ki skul bad ki jaka pule.
Pule ruh: Thaw ka Sorkar ia ka TBRC ban pynbeit ryntih noh ia ki kot pule ha Skul
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 ka skulbah NEHU ban pynbeit noh iaka jingiasngewthuh bakla bad ka Meghalaya College Teachers Association (MCTA) halor ka rai jong ka University ban pyntreikam noh iaka National Education Policy (NEP).){kind=link}