Shillong, Jymmang 01 : Ka District Child Protection Officer ka East Khasi Hills, ka pyntip ba iwei I Khunlung Kynthei ba dang shu kha, ila shah ieh ha kawei ka dukan kwai dong hajan ka Shillong Civil Hospital.
Kane ka jingjia kala jia ha ka por 5:30 baje mynstep bad ine i Khunlung ila don mynta ha ka jingsumar bad jingiada jong ka Lawei Baphyrnai, Specialised Adoption Agency, Shillong.
Ka pyntip ba kino ki briew ne bahaiing kiba don jingtip kiba long kumno kumno ruh haba iadei bad ine I Khunlung ba kin sngewbha ban phone sha ka Ophis ka District Child Protection Unit, East Khasi Hills ha u nombor 0364-7962188 lane ka Ophis ka Child Welfare Committee, East Khasi Hills ha u nombor 0364-7962188 lane ka Lawei Baphyrnai Specialised Adoption Agency, Lumsohphoh, East Khasi Hills ha u nombor 9612168593.
La ong ba kin pyntip hapoh ka 60 sngi na ka sngi ba pynmih ia kane ka jingpynbna lem kumta yn niew ia ine i Khunlung iba laitluid ban ai ting.
