spot_img

Iatynrah ka Truck bad bos Night Super ha Umling, Ri Bhoi

Date:

Share post:

Shillong, Risaw 17: Kawei ka bos Night Super kaba mih na Guwahati ban leit sha Silchar kala ngat ha ka jingaksiden hynne ka miet sngi ba-ar ha ka thain Umling.

Kat kum ka khubor, kane ka bos kala leit ban tynrai ia kawei ka trok shaktiman na ki bynta ka krung jong ka kali ha Umling.

Kane ka jingjia kala jia ha ka por 7 baje eiei ha surok NH-06 ha Ri-Bhoi. Kane ka bos ka dei kaba don u nombor ML05-T-8382 kaba don ha lynti ban leit sha Tripura.

La iathuh ba ka trok shaktiman ka dei kaba kit dieng bad don u nombor ML10-A-7293 bad ha kane ka por ba jia kane ka jingjia, kane ka trok k dang thmu ban jam na shiliang ka surok bah sha kawei pat ka liang.

Kane ka jingiatakhuh kala ishyrkhei bha hynrei donbok ba ym shim la don satia kano kano ka jingjia kaba sngewsih ia ki nongshong ha kane ka bos lait noh tang ka jingmynsaw ba malu mala.

Ha kane ka jingjia, u nongniah jong kane ka bus lem bad katto katne ngut ki nongleit nongwan ki la mynsaw malu mala bad la pynkit noh ia ki sha Nongpoh Civil Hospital ban ioh ia ki jing suma.

Ki Pulit ka Nongpoh PS ki la hiar marmar sha kane ka jaka ban pynlong ia ka jingtohkit bad ruh ban pynlait ia ka jingdheng kali kaba la neh kumba katto katne por..

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...