Iasoi MoU ha ka Telangana–NorthEast Connect Festival ha Hyderabad
Shillong, Naiwieng 24: Ka Meghalaya bad ka Telangana kila dep ban iapynbeit ban iatreilang ha ka ban ia sam mar kylliang ia ka jingtip ban leh ia kiei kiei kiba dang thymmai lyngba ka synshar khadar bad ban kyntiew ia ka sap treikam jong ki nongshongshnong.
Kala don ka jingiasoi ia ka soskular ne Memorandum of Understanding (MoU) ha ka Telangana–NorthEast Connect Festival kaba la long ha Hyderabad.
Kane ka jingiasoi soskular kala lum lang ia ka Meghalaya’s State Capability Enhancement Project – Government Innovation Lab (SCEP–GIL), Telangana’s Society for Elimination of Rural Poverty (SERP) bad ka Department of Women Development & Child Welfare, Government of Telangana bad ha kane ka jingiasoi la iadonlang u Lat ka Telangana u Jishnu Dev Varma.
Kane ka tamasa ka long kum ka lad ban shakri ha kaban wanrah ia ka jingiadei kaba iajan hapdeng ka Telangana bad ki 8 tylli ki jylla jong ka Thain Shatei Lammihngi ka ri naduh ka Cinema, Arts, ki kam ialehkai, litreshor, ki jingiakren halor ki polisi treikam halor ki rynsan kiba heh kiba kynthup ia ka HITEX, HICC, Prasads Multiplex bad ka Gopichand Badminton Academy.
Ka jingiatreilang kine ki 3 tylli ki kynhun, mynta kin pynkhreh ia ka ‘Work Plan’ ban don ka jinghikai ha ki Jylla, District, Block bad kaba kongsan jong kane ka jingiatreilang kadei ka ‘Annual Human Development Exchange’ kaba thmu ban ia sam mar kylliang ia ki jingleh ia kino kino kiba dang mih thymmai, ban pynkhlain ia ka jingiadei ki nongshong shnong bad ki Jylla bad ban kyntiew ia ka jingpynmih na ka bynta ki longiing kiba shah ktah ne shah iehbeiñ.
La pynlong ruh ia ka rynsan iatai halor ka mat “Empowerment for Social Transformation – Economic Empowerment and Livelihoods for Women” ha kaba ki nongioh ia ka khusnam Padma Shri, ki Nongialam Longkmie, ki heh ophisar sorkar kynthup ia u Meghalaya Development Commissioner u Dr. Sampath Kumar bad SERP CEO ka Divya Devarajan kila iashimbynta lang. Ki nongkren kila banjur ia ka kamram jong ki longkmie bad ki jaka pule kiba ioh jingkyrshan na ki sorkar jylla, ban kyntiew ia ka roi ka par bad ban wanrah ia ka jingkylla ha ka imlang sahlang.
 ha ka Telangana–NorthEast Connect Festival kaba la long ha Hyderabad.){kind=link}