Shillong, Naitung 09: Ka jylla Meghalaya kala nang pyniar ia ka jingkhaii ia ki marrep kiba khlem pyndonkam dawai (Organic) kum ka jingiarap ban kyntiew ia ka ioh ka kot ki nongrep da kaba pynioh ia ka dor kaba bha.
Ka sorkar jylla kala iasoi ia ka Memorandum of Agreement (MoA) bad ka Mother India Farms kaba na Bengaluru ban pyniar ia ka jingshalan ia ki marrep kiba khlem pyndonkam dawai da kaba sdang da u Sohtrun.
Lyngba ka jingplie lynti ka MEGNOLIA, kane ka jingiatehkular kan pyniasoh ia ka Mother India Farms bad ka Tomonpo Anglong Organic Farmers Producer Company Ltd., kaba na Ri-Bhoi kaba don 300 ngut ki nongrep. Kane ka kompani kan bei tyngka pura bad pyniaid ia ka ka jingai syrnod Organic, ka jingai jinghikai bad ban pyniaid iew khlem da don kano kano ka jinglut na ka ki nongrep hynrei kaban ai pat ia ka dor kaba bha katkum ka jinglong jong u marrep.
U Commissioner & Secretary ka tnad ka rep ka riang, u Vijay Kumar D, ula ong, kane ka jingiatreilang kan pynkhlain ia ka mishon ban kyntiew ia ka ioh ka kot jong ki nongrep ha ki iew ki hat jong ka pyrthei. Ngi iengskhem ha kaban pyniaid ryntih ia ka jingai ia ki syrnod bad ban kyrshan ia ki kynhun jong ki nongrep bad nongpynmih ia ki marrep kiba bun jait khlem da pyndonkam dawai”.
U CEO ka Mother India Farms u R. Durairaj ula ong, “Ngi iohi ia ki kabu kiba khraw ha ka jylla Meghalaya. Lyngba ka jingkyrshan ha kaban ai syrnod na ka FoodChain ID, ngi don ia ka jingngeit kaba skhem ba ka jingpynmih ia ki marrep kiba khlem pyndonkam dawai ha ka jylla kan lah ban kynjoh sha ka kyrdan jong ka pyrthei bad ban ioh ban die ha ki iew ki hat kiba khraw”.
Ia ka Tomonpo, la thaw hapoh jongka MOVCD-NER scheme, ia mynta ka khmih ia palat 500 hektar bad pynmih haduh 800 metric ton u sohtrun, kaba shalan sha ki kynhun kiba heh kiba wan thied kaba kynthup ia ka Mother Dairy bad Reliance Fresh. Kane ka kynhun ka rep ruh ia u sying ba khlem pyndonkam dawai, sohniamtra Khasi, u rymbaija, ka kait bad u soh pyriam.
Kane ka MoA kala wan urlong hashwa ban pynlong ia ka Meghalaya Pineapple Festival 2025.
 kum ka jingiarap ban kyntiew ia ka ioh ka kot ki nongrep da kaba pynioh ia ka dor kaba bha.){kind=link}