Shillong, Jylliew 16: Namar ka jingmaham ka India Meteorological Department (IMD), Ka State Disaster Management Authority (SDMA) kala lum ia ka jingialang bad ka Geological Survey of India (GSI) ban pynithuh ia ki jaka kiba idon jingma na ka jingtwa khyndew.
Ia kane ka jingialang la lum da ka Executive Director ka SDMA Kong Matsiewdor War hynne ka sngi Thohdieng ha Shillong.
Ka IMD kala phah ia ka jingmaham sha ka Sorkar Jylla ha kine ki arsngi kata ha ka 15 bad 16 tarik Jylliew namar ka jing jur u slap, ka jingbeh eriong, u pyrthat bad jingpom leilieh ba kan jur ha Jylla bad ka thain Shatei Lam Mingi.
Ka kong Matsiewdor ka pyntip ba ka SDMA kala dep pynmih ia ki jingbthah sha u paidbah ba kin long kiba husiar bad ban phikir bha ialade ha baroh kawei ka Jylla.
Ka iathuh ba ka IMD haka 15 tarik mynta u bnai kala phah jingtip ban peitngor iaki 3 tylli ki district kata ka East Khasi Hills, West Khasi Hills bad Jaintia Hills namar ka lah ban wanrah ka jingma namar ka jingkylla ka suinbneng.
“Ngi la phaikhmat sha ki lad ki lynti ban ioh jingmaham lypa shuwa ban don kano kano ka jingtwa khyndew. Kumba la iakren bad ka GSI, ka dei kaba shimpor bha bad donkam ban leh shibun ki research bad ki data ruh ki dei ban don. Namar kata, ngi dang pynkhreh mynta ban lah pynithuh ia ki jaka kiba ikop don jingma bha n aka jingtwa khyndew” kala ong.
Kat kum ka jingpyntip kane ka Heh Ophisar, ki don haduh 79 tylli ki Shnong kiba la shah ktah ha kane ka jingwan hap u slap bala neh khyndai sngi lynter. Ka pyntip ba ki don haduh haduh 186 tylli ki Iing kiba la julor bad 3 tylli ki mrad kila iap.
Ka kong Matsiewdor kala iathuh baka tnat kala lum jingkhein ba ha kane ka jingwan lynshop ki bor mariang naduh ka 1 tarik haduh 16 tarik Jylliew, kila don haduh 2,777 ngut ki nong shong shnong ka Meghalaya kiba la shah ktah bad uwei u briew ula iap.
Nalor kane ka kong Matsiewdor kala iathuh baka jingjur ka jingtwa khyndew kadei haki thain East Jaintia Hills, East Khasi Hills bad ha South West Khasi Hills bad kane kadei hi namar ka jingjur slap hynrei haduh mynta ka jinglong jingman hapoh ka jylla ka long kaba shngain tangba watla katta ruh, ka tnat ka kyntu iaki paidbah ban long kiba peitngor namar ka jylla kala sdang sakhi iaka jingjur slap.
Pule lang ia kane: Pan jingshai ka KSU na ka CAU ba wanrah ia 7 ngut ki Nonghikai na Manipur sha Kyrdem Kulai
, Ka State Disaster Management Authority (SDMA) kala lum ia ka jingialang bad ka Geological Survey of India (GSI) ban pynithuh ia ki jaka kiba idon jingma na ka jingtwa khyndew.){kind=link}