spot_img

Iasou MoU ka IIM bad ka AIT na Thailand ban kyntiew ia ka pule dangle

Date:

Share post:

Shillong Naitung 07: Ka IIM Shillong kala iasoi iaka soskular Memorandum of Understanding (MoU) bad ka Asian Institute of Technology (AIT) kaba na ri Thailand ban iatreilang naka bynta ban kyntiew iaka pule puthi bad ban iasam mar kylliang ia ki jingnang jingstad hapdeng ki ar tylli ki jaka pule.

Ka jingiasoi MoU IIM Shillong bad ka Asian Institute of Technology (AIT), Thailand, ka long da ka jingthmu ban kine ki artylli ki jaka pule kin don ia ka jingiatreilang bad ka jingiadei kaba iajan na ka bynta ban iasam lang ia ki jingnang jingtip da kaba pynleit jingmut bha ha ka kam ai jinghikai bad ha ka kam wadbniah.

Ha katei ka jingiasoi ia ka soskular la wan ban sakhi da u Prof. D.P. Goyal, Director ka IIM Shillong bad u Prof. Nitin K. Tripathi, Acting Vice President jongka Academic Affairs ka AIT, ha ryngkat ka jingdonlang ki heh na ka IIM Shillong kiba kynthup ia u Prof. Naliniprabha Tripathy, Dean of External Relations bad Dr.Teidorlang Lyngdoh, Chair of External Relations.

Katba ia ka AIT la mihkhmat da u Dr. Roger Levermore, Vice President for Development and Dean of the School of Management (SOM), Dr. Sumana Shrestha, Director of International Affairs jongka Office of International and Public Affairs (OIPA), u Sanjeet Amatya, Director of Public Affairs ka OIPA bad u Zia Islam, Executive Assistant jongu Dean.

Lyngba katei ka jingiasoi soskular hapdeng kitei ki ar tylli ki jaka pule la khmih lynti ba kin lah ban iarap ia ki samla pule bad ia ki nongwad bniah ba kin nang kiew shaphrang bad ka jingthmu jong ka jingsoi soskular ka long ruh ban don ia ki International Dual /Joint Masters bad Doctoral Program, Faculty/Student Exchange Programme, Joint Research Project bad kiwei kiwei.

Share post:

spot_img
spot_img

Popular

More like this
Related

Rah ka Mawkriah West ia ka nam Lahduh ha ka SSA Third Division

Shillong, Nailar 31: Ka Mawkriah West kala rah ia...

Meghalaya HC extends use of alternative IDs without Aadhaar

Shillong, Aug 31: The Meghalaya High Court has directed...

Assam | Bei ka ADB ia ka ram ba $ 25 million ban kyntiew kyrdan ia ki jaka sor ha Assam

Guwahati, Nailar 31: Ka Asian Development Bank (ADB) ka...

Hukum ka Iingkashari ia ka sorkar ban pynbteng shuwa ia ka hukum halor ka kam Aadhaar

Shillong, Nailar 31 : Ka Iingkashari Meghalaya High Court...