Shillong, Nohprah 14 : Ka Sorkar Meghalaya hynne ka sngi Balang kala iasoi ia ka soskular bad ka Apollo Telehealth Foundation ban wanrah ia ka jaka sumar jingpang bampong (Cancer) ba nyngkong eh hapoh ka Jylla.
With Meghalaya having one of the highest cancer cases in the country, this initiative will be a game changer which will initiate the early detection rate for Breast cancer, Lung Cancer; Cervical Cancer, Oral Cancer, Esophageal cancer through awareness and mass screening. pic.twitter.com/SLqb9yaBPb
— Conrad Sangma (@SangmaConrad) December 14, 2022
Haba kren ha ka jingialang, u Myntri Rangbah Conrad K Sangma ula ong ba ki lad ai jingsumar ki dei ki kam kiba ka Jylla kala mad ia ka jingtynjuh. “Ka sdang na ki kam barit kum ka koit ka khiah ki Khunlung, ki Kmie, ka jingbam tei met ia ki Khunlung bad ka jingpang kum ka cancer kaba jur bha hapoh ka Jylla”ula ong.
Ula pyntip ba ka sorkar kala kynshew pisa bha ha ka koit ka khiah bad ong “Ki don shibun ki jingtynjuh ha kane ka kam bad ngi la shimkhia bha ban leh eiei ia kine ki jingtynjuh bad ka jingshimkhia kam dei satia tang na ka Tnad ka Koit ka hiah hynrei jong ka Sorkar baroh kawei ban pynthikna ba ngin buh hakhmat eh ia ka koit ka khiah” ula ong.
U Myntri Rangbah u ong ba kane ka project kaba dei kaba nyngkong eh ha ka Ri kam dei satia kaba long kongsan tang ia ka Meghalaya hynrei ka lahban dei ka nuka ia ka Ri ba kan bud”.
“Da ka jingdonbynta lang jong ki paralok kum ka World Economic Forum bad ka Appollo Healthcare, kane kan long kaba sakhi kumno ban jam shakhmat ym tang ha Meghalaya kaba don bun ki nongpang cancer hynrei ha ka ri baroh kawei” ula ong.
U Myntri Rangbah ula kyntu ia baroh kiba iadonbynta ha ka project ba kin buh ia ka thong ha ka jingmut jingpyrkhat ba kin iada ia ki jingim briew.
“Ka rukom treikam ka dei ban long ba baroh kiba don ia ka jingpang cancer kin ioh pat ia ka jingkoit da ka ioh ban sumar kloi bad ai ia ka jingsumar kaba dei” ula pynkut.
Ka thong jong ka Cancer care project ka long ban pynjanai ia ka rukom sumar ia ki nongpang cancer (bampong)ha baroh ki liang da kaba pyndonkam ia ki kor ka juk mynta. Kan don ka jingleh test/screening ia ka jingpang cancer ha ki Health & Wellness Centre bad ban buddien ia kiba don ia ka jingpang.
Naduh ki Asha haduh ki Nongtrei ka Koit ka Khiah bala rangbah kin ioh ia ki jinghikai pyntbit. Ia ka jingleh test/screening bad jingsumar yn leh ha ki NCD clinic kaba don ia ka Pathology Lab ha Civil Hospital Shillong.
