Shillong, Naitung 18: Ka Sorkar Jylla kala iasoi iaka Memorandum of Understanding (MoU) bad ka Indian Institute of Management, Shillong ban iatreilang ha kaba iadei bad ka jingkylla ha ka imlang sahlang bad ha kane ka jingiasoi soskular la donlang ruh u Myntri Rangbah ka jylla u Conrad K Sangma bad u Chairman jongka BOG, IIM Shillong u Shishir Kumar Bajoria, u Director ka IIM-Shillong u D.P Goyal bad u Secretary Planning ka sorkar jylla u Bah Cyril V.D Diengdoh.
U Conrad K Sangma, haba ai jingkren ula ong, “Ka long kaei kaei kaban iai sah jingkynmaw ia ka jingiasoi MOU kaba dei ka sngi kaba ka jylla kala kynmaw burom ia u khlawait ka ri u Tirot Sing Syiem. Kane ka MOU kadei ka mat kaba ka sorkar ka phaikhmat bha bad mynta ka sngi kadei ka jingsdang jong ka jingiaid lynti ryngkat bad ka IIM, Shillong”.
Ula ong ba kane ka MOU kan pynleit jingmut ha kiba bun ki liang bad kawei na kita ka dei ka Chief Miniter’s E-Challenge Business Plan Competition kaba don palat 2000 ngut ki nongiashimbynta man la u snem ia kaba la jied pat ia ki 100 ngut bad la ai jingkyrshan iaki da ka song tyngka kaba T.10 Lak ryngkat bad ka jingai ram kaba T.50 Lak khlem ka jingshim ia ka sut.
Ula ong baka jylla ka don ia ka jingiohi jngai ban jam shaphrang sha ka jingnang jingstad bad ka ioh ka kot.
U Mynti Rangbah ula banjur ia ka jingdonkam ban ai jinghikai bad ban pynkup bor ia ki nongtrei sorkar bad ia ki dkhot jong ki District Council.
“Ka jingai jinghikai bad ka jingai jingbatai kaba bniah ia ki dkhot jong k iDistrict Council ka long kaba kongsan bha namar ba ki District Council kidei ki bynta kioba kongsan bha ha ka rukom pynwandur ia ka rukom treikam bapher bapher ka jong ngi, ka rukom longtrai ia ka khyndew ka shyiap bad ki bynta kiba iadei bad ka kolshor” ula pynkut.
 bad ka Indian Institute of Management, Shillong ban iatreilang ha kaba iadei bad ka jingkylla ha ka imlang sahlang bad ha kane ka jingiasoi soskular la donlang ruh u Myntri Rangbah ka jylla u Conrad K Sangma bad u Chairman jongka BOG, IIM Shillong u Shishir Kumar Bajoria, u Director ka IIM-Shillong u D.P Goyal bad u Secretary Planning ka sorkar jylla u Bah Cyril V.D Diengdoh.){kind=link}