Shillong, Nailur 06: Ka IIM Shillong (IIMS) kala iasoi ia ka Memorandum of Understanding (MoU) bad ka Land Ports Authority of India (LPAI), da ka jingthmu ban kyntiew ia ka jingwad bniah bad ban iasam ia ki jingnang jingtip halor ka khaii ka pateng.
Kum shi bynta jong ka jingiatehkular ne Agreement, ka IIM Shillong kan buh ia ka Centre of Excellence (CoE) for North East India Studies, kaban pynleit jingmut ha ka khaii pateng bad ki kam kiba iadei bad katei ka bynta. N
Nalor kane ha katei ka jingiatehkular, kala plie lad ruh ban buh ia ka LPAI Chair ha IIM Shillong ban ialam ia ka jingwad bniah bad ban pynbiang ia ki nongialam kiba shemphang ha katei ka liang.
Ia katei ka MoU la iasoi hapdeng u Prof. D. P. Goyal, Director ka IIM Shillong, bad u Ajeet Singh, Director of Operations jongka LPAI, ia kaba la wan ban iadonlang u Atul C. Kulkarni dkhot jongka IIM Shillong Board of Governors bad u Aditya Mishra, Chairman ka LPAI ryngkat bad kiwei pat ki heh ki hain kiba kynthup ia ka Rekha Raikar Kumar kaba dei ka Member Finance jongka LPAI bad kiwei kiwei.
Kane ka jingiatreilang kan ai jingshakri kum ka rynsan kaba kongsan na ka bynta ban kyntiew ia ki kam wad bniah bad ban shimkhia ia ki jingeh ki bapher kiba iadei abd ka imlang sahlang, ka ioh ka kot bad kiwei kiwei ki jingeh jong ka thain shatei lam mihngi.
 kala iasoi ia ka Memorandum of Understanding (MoU) bad ka Land Ports Authority of India (LPAI), da ka jingthmu ban kyntiew ia ka jingwad bniah bad ban iasam ia ki jingnang jingtip halor ka khaii ka pateng.){kind=link}