New Delhi, Nohprah 29: Ka United Liberation Front of Assam (ULFA) kaba kyrshan ia ka jingiakren iasuk, kala iasoi ia ka soskular iasuk ne Memorandum of Settlement ba lai mamla bad ka Sorkar Pdeng lem bad ka Sorkar Assam ha ka jingiadonlang u Myntri kam Pohiing ka Ri Amit Shah bad u Myntri Rangbah ka Assam Himanta Biswa Sarma.
Ia ka ULFA la mihkhmat da ki 16 ngut ki Dkhot bala ialam da u Chairperson Arabinda Rajkhowa.
Haba khein kum ka sngi kyrpang tam ia ki paidbah ka Assam, u Myntri kam Pohiing Amit Shah ula ong ba ka Jylla (Assam) kala mad ia ka jingsohsat la slem bah namar ki kam iaumsnam jong ka ULFA bad haduh 10,000 ngut ki briew kila iap naduh u snem 1979.
Ula pynbna ruh ba ka Sorkar Pdeng kan sa ai ia ka song kam pynroi kaba heh bha ia ka Assam kat kum ka soskular bala iasoi bad ka ULFA haba kular ba ka Sorkar kan pyntreikam pura ia kane ka soskular.
“Ka dei ka sngi sah jingkynmaw ia nga ba mynta ka sngi ka dei ka sngi kyrpang ia ka lawei ka Assam. Ka Assam kala mad ia ka jingsohsat na ki kam umsnam la slem bha. Naduh ba long Myntri Rangbah Duh u Narendra Modi, ula shimkhia bha ia ka kam bad ha kine ki san snem bala leit, la iasoi haduh 9 tylli ki soskular iasuk bad kajia pud hapoh ka thain Shatei Lam Mihngi bad dei namar kane ba ka jingsuk kala wan ha kiba bun ki jaka jong ka thain” ula ong.
Lah ban kdew hangne ba ia ka ULFA la seng naduh u snem 1979 da ka kynhun ki 20 ngut ki samla na Upper Assam District ban iakhun da ki tiar ialeh ban ioh ia ka Assam kaba laitluid.
Ka kynun kala pynkynmaw ia ka jingong ba kloi ban iakren iasuk noh la bun snem hynrei ka kynhun kala ieng skhem ha ka nongrim ban ioh ia ka jinglaitluid.
Ha ka jingialap elekshon MLA ha Tripura, Meghalaya bad Nagaland mynta u snem, ka BJP kala ban jur ia ka jingduna ki kam kaikhlaw bad ka jingwan phai ka jingsuk ha ka thain Shatei Lam Mihngi naduh ba ka Sorkar u Narendra Modi kala wan ha ka bor ha u snem 2014.
Ha u bnai bala lah, u Amit Shah ula pynbna ia ka jingiasoi ia ka soskular iasuk bad ka United National Liberation Front (UNLF) ka Manipur, ka kynhun kaikhlaw ki Meitei bad mynta ka ULFA kaban nang pynskhem ia ka nongrim ban wanrah jingsuk da ka party ha ka thain.
 kaba kyrshan ia ka jingiakren iasuk, kala iasoi ia ka soskular iasuk ne Memorandum of Settlement ba lai mamla bad ka Sorkar Pdeng lem bad ka Sorkar Assam ha ka jingiadonlang u Myntri kam Pohiing ka Ri Amit Shah bad u Myntri Rangbah ka Assam Himanta Biswa Sarma.){kind=link}