Shillong, Nailar 10: U Lat ka jylla u Phagu Chauhan hynne ka sngi ula shim bynta kum u kongsan haka jingrakhe dap 3 snem ka Shillong All Faith Forum (SAFF) kaba la long ha Bianchi Memorial Hall, Lachumiere, Shillong haka jingwan shim bynta da ki nongialam ki seng niam bad ki riew paidbah.
Haba kren ha kane ka sngi u Lat ka jylla u Phagu Chauhan ula iaroh iaka phang pdeng jong ka SAFF kaba la jer kyrteng ‘Peace, Harmony, and Environment’ bad ula pynkynmaw iaka jingdonkam ban don ka jingiajan hapdeng ki briew bad ka mei mariang.
Haba kdew iaka phang pdeng jong ka G20 Presidency, “Vasudhaiva Kutumbakam” (One Earth – One Family-One Future), u Lat ka jylla ula iaroh iaka SAFF kaba la ieng haka ningrim ban kyntiew iaka shong suk shong shngain, ka hok bad ka jingburom iaka jinglong briew.
U Lat ka jylla ula kyntu ban don ka jingpyrkhat iaka mei mariang bad kumno ban pynneh bad ula kyntu iaka SAFF ban iai ieng haka nongrim ban kyntiew iaka shong suk shong shngain bad ka jingiatip lem.
Ha kane ka jingrakhe dap 3 snem ka SAFF, la sakhi ka jingrwai bad jingshad na ki seng niam bapher bapher.
