Shillong Risaw 05: U Myntri Rangbah ka jylla Conrad K Sangma ha ka sngi u Blei, ula iashimbynta ha ka jingpynhap pyrda ia ka jingrakhe Silver Jubilee jong ka Indian Catholic Youth Movement (ICYM) kaba long ha Divine Retreat Centre ha Kerala.
Ia ka Mass Bakhuid la pynlong hapoh ka jingpyniaid jong u Cardinal Felipe ka Goa bad u President jong ka Conference of Catholic Bishops of India (CCBI).
Haba ai jingkren, u Conra Sangma ula ai khublei ia ka ICYM halor ka jingkynjoh 25 snem ha ka jingai jingshakri bad ka jinglong nongialam bad ula banjur ia ka jingkongsan ban long ki nongsakhi kiba shlur bad ban im ha kawei ka jingngeit ha man la ka bynta jong ka jingim.
Ula kyntu ia ki samla ban long ki nongtbeh jingshai ia ka jingkyrmen bad ban iengskhem ha ka jingiakhun ia ki jingeh bad ban pyndonkam ia ki rynsan ban ialap ia ka jingshisha, ka hok bad ka jingisynei.
Ula iaroh ia ka ICYM kaba la sei ia ki nongialam kiba burom ia baroh, ban pynpun ia ka jingkieng jong ka jingleh synei bad ban ai mynsiem ban pynim ia ka kolshor ha ka jingai jingshakri.
Ula kyntu ruh ia ki samla ba kin buh hakhmat eh ia ka jingbit jingbiang, ban beh ia ka jingpyntbit ia ka sap ka phong bad ban pyndonkam ia ki kor teknoloji kum ki atiar jongka jingshisha bad ka jingsbun.
Ula kyntu ruh ban tei ia ka jingkieng kaban ym pyniapait iapara bad ban ai jingshakri kaba kyllum ia baroh, bad pdiang ia ka jinglong salonsar, ka jingshlur bad ka jingsngew synei.
“Ai ba kane ka jubili kan long ka ding kaban pynrhem ia ka mynsiem. Ialam da ka jingshlur, shakri da ka jingsngewrit bad iai thaba da ka jingshai u Khrist” ula ong.
Ula kyntu ruh ia ki samla ban pyndonkam ia ki kor Digital ban tei ym ban pynpra haba ong, “Saindur ia ka jingsengkam lajong kaba iadei bad ka imlang sahlang bad kaban kyntiew ia kiba duna. Pyniadei bad kiwei pat kiba don ha kylleng satlak ka pyrthei bad ban leh eiei kum u nongshong shnong”.
U Myntri Rangbah ula ai khublei ruh ia ka ICYM ha ka jingrakhe iaka jubili rupa bad ula kyntu ia ki samla ba kin long ki nongwanrah ia ka jingkylla hapoh ka iingmane, ka ri bad ha ka pyrthei.
 kaba long ha Divine Retreat Centre ha Kerala.){kind=link}