Shillong, Nailur 17 : Palat 210 ngut ki nongmareh kila wan iashimbynta ha ka Mawlynnong Run Safari kaba ar, kaba la pynlong da ka Ministry of Tourism (North East) ryngkat ka jingiatreilang ka Meghalaya Tourism and Sportive hynnin ka sngi saitjain.
Kine ki Nongiamareh kynthup naduh ki shynrang, ki kynthei bad ki Khynnah, kila iashimbynta ha ka jingiakop ba 25 kilometer, 10 kilometer bad 5 kilometer.
Ki nongwan iashimbynta ki kynthup naduh na Jammu, Chhatisgarh, West Bengal, Assam, Meghalaya bad Manipur.
Kaba kham pynlong kyrpang ia kane ka jingiakop mareh ka dei ka jingiakhleh bun ki nongiashimbynta. Ki Dkhot ka Yuva Tourism Club, ki samla pule, ki doktor, ki engineer bad wat ki Longkmie kila shimbynta shitrhem. I Khynnah iba rit duh ba wan iashimbynta I dei u Heprit Wanmenaki Jeremiah Nongrum ba dang 5 snem, iba la iamareh lang bad ka Kmie.
Kane ka marathon ym tang ba kan iarap ia ka rukom im ha ka lynti ba bha hynrei ka long ruh ka rynsan ban pynkhlain ia ka jingiadei hapdeng ka India bad ka Bangladesh. Ka pynshlur ia ki briew ba kin iakren iakhana, ban ialong paralok bad ban iasam jingtip halor ki riti ki dustur.
Kane ka marathon ka dei ka sienjam bala shim da ka Ministry of Tourism ban kyntiew ia ki kam jngohkai ha ki jaka khappud bad ki kam jngohkai ha ki jaka nongkyndong bad ki shnong ki thaw.
