Guwahati, Naiwieng 10 : U Speaker ka Lok Sabha Om Birla ha ka sngi Nyngkong, ula ai ka jingiaroh ia baroh ki Iingdorbar Thaw Ain jong ka thain Shatei Lam Mihngi namar ka jingbat ia ka rukom pyniaid dorbar kaba rim, ban iatai lang bad ia shim rai haba pynshong nongrim iala ki jong ki jingdonkam bad ki jingangnud.
Haba kren ha ka Commonwealth Parliamentary Association (CPA) India Region, Zone-III Conference ha Nagalang Legislative Assembly ha Kohima, u Birla ula ong ba ki Iingdorbar Thaw Ain ka thain Shatei Lam Mihgi kila pyni ia ka jingaiti lut ban wanrah ia ka jingtreikam kaba shai, kaba don jingkitkhlieh, bad ka riti synshar ba iashimbynta lang, watla ka thain kala skahi ia ka jingkiew sted bha ha ki jingtei khamtam ha ki surok, ki lynti rel bad ki kad liengsuin.
“Ki Iingdorbar Thaw Ain ha ka thain Tei Lam Mihngi kila buh ia ka kyndon thymmai kumno ban iathir iatar bad ka synshar khadar kaba bha. Ka jingpynleit jingmut jong ki ha ka roi ka par ba kynthup lang, ka jingangnud ka thain, bad ka jingiashimbynta lang u paidbah ba pyni ia ka jingmut ba shisha jong ka riti synshar paidbah ka Ri” ong u Birla.
U Speaker ula pynpaw ba ki jingpyrshang kiba bun kila don ha lynti ban buh ia ka thain Shatei Lam Mihngi kum ka jaka pdeng ka roi ka par bad ka lad pyniasoh ba kongsan ha ka India Act East Policy. Haba kren shaphang “ka kolshor kaba im ka thain, ki jingleh tynrai ba riewspah bad ka jingitynnad ka mariang” ula ong ba kine ki jingdon ba kyrpang ki pynlong ia ka thain Shatei Lam Mihngi kum ka bynta ba kongsan ha ka khana jong ka jingkiew shaphrang ka ri India.
“Ka jingkyntiew ia ki mar ba shna hi na ka thain, ka arts, kolshor bad ki tiar ba shna nala tynrai ki lah ban dei ki bynta ba kongsan ha kaban pyniaidshakhmat ia ka Atmanirbhar Bharat” ong u Birla haba kyntu ia ki Iingdorbar Thaw Ain ba kin thaw ia ki Policy ki ban kyntiew ia ki kam karkhana, ka jingsengkam sengjam bad ka jingpynkupbor ia ki nongshongshnong.
Ula pynpaw ia ka jingsngewskhem ba kane ka CPA conference ba arsngi kan sei ia ki jingai jingmut kiba kongsan ban pynkhlain ia ki tnad synshar aidbah, pynjanai ia ki rukom pyniaid ia ki Dorbar bad nang pynkhlain ia ka jingshaniah u paidbah ha ka synshar khadar.
Haba khot ia ka jingiatreilang kaba khlain hapdeng ka Sorkar Pdeng bad ka Jylla, u Speaker ula ban jur ia ka jingdonkam ban don ki iakren kiba tei hapdeng ki kyrdan jong ka Sorkar ban pynthkna ia ka synshar khadar kaba kynthup lang bad ka bym shong kli kti.
Kane ka conference ba la pynlong halor ka matpdeng “Policy, Progress & People : Legislatures as Catalyst of Change” kala iakren ruh halor ki artylli ki mat : Role of Legislatures in Achieving Viksit Bharat @ 2047 bad kaClimate Change – In Light of Recent Cloudbursts and Landslides in the Northeast.
