Shillong, Rymphang 01: U Myntri Rangbah ka Jylla Conrad K Sangma ula pdiang sngewbha ia ka mang tyngka ka Sorkar Pdeng, bad ong ba ka dei ka mang tyngka ba don ka jingthmu bad ba pynioh lang ia baroh, kaba pynleit jingmut bha ia ka thain Shatei Lam Mihngi.
“Ka jingai khublei naduh ka mynsiem ïa ka Myntri Pla Tyngka ka Sorkar Pdeng, Nirmala Sitharaman ji, kaba la wanrah biang sa shisien ïa ka mang tyngka jong ka sorkar pdeng kaba don ka jingthmu bad kaba pyniohlang ia baroh, kaba buh ïa ka lynti iaid kaba khlaiñ na ka bynta ka roi ka par kaba neh,” ong u Sangma ha ka social media.
U la ïaroh ïa ka jingpyrkhat kyrpang ïa ka thaiñ Shatei Lam Mihngi, da kaba ong ba kane ka pynpaw ïa ka jingkut jingmut jong ka Sorkar ban pynkylla ïa ka thaiñ sha ka engine ba khlaiñ jong ka thaiñ Mihngi.
“Nga pynpaw ïa ka jingsngewnguh kaba khraw ïa ka bad ïa ka jingïalam ba iohi jngai jong u Myntri Rangbahduh ba donburom, u Narendra Modi ji, na ka bynta ka jingshimkhia jong ki ha ka jingsynshar kaba pynshong nongrim ha ki paidbah bad ka jingroi jingpar jong ka ri kaba kynthup lang ïa baroh,” bynrap u Conrad.
