Shillong, Rymphang 26: U Myntri Rangbah ka Jylla u Conrad K Sangma u la ai ia ka song pisa ba T.41.69 lak na ka bynta ban shna ia ka kynroh (wall fencing) jong ka Sengbah ki Nongshat Nongkhein, Hynniewskum Hynniewtrep, Baniun Mylliem.
“Nga sngewkmen ban mynjur T.41.69 lak na ka Chief Minister Special Development Fund ban ker kynroh” ong u Conrad Sangma haba jubab ia ka jingkyrpad jong u MLA ka thain bad ki nongialam shnong.
U nongmihkhmat ka Sengbah ki Nongshat Nongkhein Hynniewskum Hynniewtrep u la pynpaw ka jingsngewnguh, da kaba ong, “Ngi sngewnguh shibun ban ioh ia kane ka kabu ksiar….kane ka dei ka jingkyrshan kaba nyngkong eh kaba ngi la ioh ha kine ki 45 snem ba la leit noh.”
Ka seng ka la pan jingkyrshan naduh ba ka thied ia ka jaka kaba 2 heh akar ha Baniun ha u snem 1981.
“Haduh katne por ngi lah ban ong ba ka Sorkar kam ju phai khmat sha ngi hynrei dei tang ka Sorkar NPP kaba sngew ia ka jingdonkam jong ki nongshongshnong ha Meghalaya” u la bynrap.
Ka don ka kyrpad ruh ia u Myntri Rangbah ka Jylla Conrad K Sangma ba un wan buh ia u mawnongrim ban tei ia ka kynroh.
 jong ka Sengbah ki Nongshat Nongkhein, Hynniewskum Hynniewtrep, Baniun Mylliem.){kind=link}