Shillong, Lber 23 : Ka Jaintia National Council (JNC) kala ai khubor ia ki Pulit ka East Jaintia Hills namar ka jingioh pyllait ia ka Kynthei ba jah na Wapung Chnong na Ahmedabad, hynrei kala maham pat ba ka jingmih wad kam ki samla na Jylla ka dei namar ka jingbym lah pynbiang kam biang jam ha Jylla.
Kane ka kynthei kala jah rngai ha ka 15 tarik Lber, 2026 bad ka JNC kala ujor ia ka ejahar ha ka 19 tarik Lber hadien ba ka Kmie kala pan ia ka jingiarap. Kii Pulit kila lapdien ia ka ha Gujarat bad kila wan ialam pat ia ka ha kane ka taiew.
“Ngi pynpaw ia ka jingsngewnguh kaba khraw….na ka bynta ka jingtreikam kaba kloi bad ba leh bha” ong ka JNC haba ai khublei ruh ia ka MLA ka Sutnga-Saipung Kong Santa Mary Shylla namar ka jingiarap lang.
Hynrei u Vice President Nangjam Dkhar ula khein ia kane ka jingjia kum ka dak ba paw.
“Ka Sorkar kala pulom man ka por ha ka ban leh eiei na ka bynta ka ioh kam iohjam ki samla jong ngi. Lada dei ba don ka policy iohkam kaba thikna bad don ka jingai bhah, ki samlajong ngi kin ym donkam ban leit shabar bad mad ia kum kine ki jingma”.
Ula kyntu ia ki samla ka thain ba kin pynthikna bha shuwa ia ki kam ba ki ioh hashuwa ba kin mih na Meghalaya bad kumjuh ruh ia ki Kmie Kpa ba kin peitngor bha.
Hapoh ka “Save Jaintia Mission” ka JNC kala dawa ia ka bhah iohkam ha ki kam shimet bad ki karkhana na ka bynta ki trai shnong. “Jin ba la burom ia kane, ngin jin da lah ban iada ia kum kine ki jingjia” ong u Bah Dkhar.
 kala ai khubor ia ki Pulit ka East Jaintia Hills namar ka jingioh pyllait ia ka Kynthei ba jah na Wapung Chnong na Ahmedabad, hynrei kala maham pat ba ka jingmih wad kam ki samla na Jylla ka dei namar ka jingbym lah pynbiang kam biang jam ha Jylla.){kind=link}