Shillong, K’lyngkot 02: Uwei u samla ula iap hashen ha ka jingjia aksiden thuk thuk kaba jia hynne ka step phyrngap ha Tura.
Kat kum ka khubor Pulit, kane ka jingjia kalajia ha Babupara kaba don marjan ka DC park bad hakhmat ka Ophis ka PWD. Ka jingaksiden ka dei hapdeng ka kali maruti Alto bad ka thuk thuk.
Ki Pulit ki iathuh ba arngut ki samla kiba iashong ha ka thuk thuk, kila pyrshang ban tam ia kawei ka trok hynrei katba ki dang iaid, kala wan kynsan kawei ka Alto bad poi sha ka jingiatakhuh.
La iathuh ba uwei u samla ula iap hashen bad uwei pat la suba jur ba ula phet na kane ka jaka namar ka jingbym iohi syrngiew shuh.
Ia kane ka kali bad ka thuk thuk la kit noh da ki Pulit sha Thanad ban leh ia kaba donkam.
