Jowai, Naiwieng 29 : Uwei u koidi ba dang don hapdeng ka jingshah tian bishar (Under Trial Prisoner), ula iap hapoh ka along jong ka Jowai District Jail & Correctional Home hynnin ka sngi Palei.
Une u koidi u kyrteng u Tenmiki Siangshai , uba dei na ka shnong Wapungskur, East Jaintia Hills. Ki bahaiing hasem kila tip ia kane ka jingjia hynnin hi ka sngi Palei ha ka por 4:38 baje janmiet.
Kat kum ka khubor, ia u Tenmiki Siangshai la pynkit sha Jowai Civil Hospital, Iaiong hynrei ki doktor kila pynbna ba ula khlad lypa.
Ki bahaiing hasem kila dawa ia ka Sorkar Jylla ba kan thung ia ka jingtohkit halor kane ka kam ban pynthikna ia ki daw ka jingiap bad ka kaba kaba une u koidi u iap.
Ki Pulit kila pyndep lut ia baroh ki jingdonkam ha Jowai Civil Hospital bad hynne ka sngi Thohdieng, la aiti noh ia ka met sha ki bahaiing ba kin pyndep ia ka lehniam lehrukom kaba khatduh.
Ka khubor ka iathuh ba une u koidi u dang tip briew ha ka por ba pynkit sha hospital hynrei ula shu tlot bad ym lah ban kren briew.
