Tura, Naitung 10: Uwei u rangbah ula iap hashen bad kawei ka longkmie pat ka dang iakhun iala ka jngim namar ka jing mynsaw kaba jur hadien ka jingshah lympat bording ha ka thain Purakhasia, West Garo Hills hynnin ka Sngi U Blei.
Kane ka jingjia kala jia ha ka shnong Chengrapara, kaba hap hapoh ka Dalu Civil Sub-Division.
Une u rangbah uba iap u kyrteng u Bryan Donseng M Marak bad kane ka Longkmie ka kyrteng ka Epsil N Marak. Kine ki arngut ki dang ia charge ia la ki mobile phone hala ki jong ki Iing bad ki la kum ktah iala ki phone ba sa shah lympat ha ka bording.
Lah iathuh ba ha kane ka por kala don ruh ka jingpom pyrkhat bad jingtied leilieh.
Katba u Bryan ula iap hashen na ka jingbat bording, ka Epsil pat kaba dang pun 8 bnai iala ki Khun, kala iapler bad kyllon ha madan ha ka por ba shah bat ka bording. La pynkit mar mar ia ka sha Tura ban ioh ia ka jingsumar.
Pule ruh: Thoh ka RIMS sha Delhi ban pynbeit jaka pule ia ki samla pule ha Meghalaya bad Assam
