Nongpoh, Īaīong 13: Ki pulit ka Khanapara Police Outpost mynta ka step ki la leit ban tam ïa kawei ka metïap jong u rangbah briew, kaba thiah ïap hapoh kawei ka kali kaba u ñiah ha 9 Mer Baridua, Ri Bhoi District.
Katkum ka jingtip ba la ïohlum, la ïathuh ba ïa katei metïap la lap da ki bor shnong ka 9 Mer Baridua ha kaba ki la pyntip marmar sha ki bor pulit ka Khanapara ban leh ia kaba donkam.
Ki Pulit kila hiar sha katei ka jaka kaba don hajan ka ïew masi pyrshah ka CRPF gate bad la lap ba u wei u briew u la thiah ïap hapoh ka kali kamai tourist kaba don ïa u number AS 01 FC 6912.
Ki pulit ki la pynlong ïa ka jingtohkit halor kane ka jingjia bad lap ba une u briew u dei uba kyrteng u Mitun Sen ba na Beltola Chariali, Assam.
Kat haduh ba thoh iaka khubor, ki Pulit kim pat lah pynthikna ia ka daw jong ka jingiap bad ia ka met la pynkit noh sah Nongpoh Civil Hospital, ban pyndep ia ka post mortem.
Pule lang ia kane: Dawa ka ACHIK ia u snem 1972 kum u snem ot kyrteng jong ka Roster System
