Shillong, Nailar 13 : Uwei u Nongtrei ka Meghalaya Legislative Assembly, ula iap hala ka jong ka jaka shong hapoh ka Ophis ka Assembly, ia kaba la suba jur ba ula iap na ka jinginjek droks ba palat pud (overdose).
Une u Nongtrei ka Assembly u dei uba la tip kyrteng u Lachuman Shrestha, uba trei kum ka Chowkidar jong ka Assembly.
Ia kane ka jingjia la lap hynne ka step da ki nongtrei ka Assembly, kiba la pyntip mar mar sha ki Pulit ban wan tohkit bad leh ia kaba donkam.
Ki Pulit ha ka jingtohkit, kila lap ba une u nongtrei ka Assembly ula shong iap ha kawei ka shuki treikam jong ka Ophis. Kila lap ruh ia u thirnia uba dang sahkut hapoh ka kti ka mon nalor u droks halor ka miej treikam.
Namar kane ka jingshem, ki Pulit kila suba jur ba ula iap na ka jingbuaid droks (overdose) hynrei ka jingtohkit mynta ka dang iaid shakhmat ban pynthikna ia ki daw.
Ia ka metiap jong une u briew la pynkit noh sha Civil Hospital Shillong ban pyndep ia ka post mortem.
.){kind=link}